Abaı aýdanyna qarasty Jańatalap eldimekeninde aýyz sý máselesi sheshimin tapty. Qalalyq energetıka jáne ınfraqurylymdy damytý basqarmasynyń málimetinshe, atalǵan eldimekendegi aýyz sýmen qamtý nysanynyń qurylysy merdiger mekeme «SMKıJ-7» tarapynan júrgizilgen.
Búginge deıin nysannyń qurylys jumystar aıaqtalǵan. Qaladan shalǵaıda ornalasqan eldimekende barlyǵy 1700 úı bar. Qazirgi ýaqytta 1000 úıge sý eseptegish quraldary ornatylyp, turǵyndarǵa sý berý jumysy júrgizilýde.
Aıta keteıik, bıyl megapolıs turǵyndaryn sapaly aýyz sýmen qamtý maqsatynda barlyǵy 14 nysannyń qurylysy bastaldy. Jyl sońyna deıin 9 eldimekendegi aýyz sý máselesi sheshilip, kórsetkish 95,6% -dan 98 %-ǵa ósetin bolady.
