شىمكەنتتە ەل تاۋەلسىزدىگىنىڭ 30 جىلىنا وراي، قالا اكىمدىگىنىڭ قولداۋىمەن «قاجىمۇقان» اتىنداعى ورتالىق ستاديونى الاڭىندا اۋىل شارۋاشىلىعى ونىمدەرىنىڭ جارمەڭكەسى ۇيىمداستىرىلدى.
جارمەڭكەگە جالپى 200-دەن استام قالا كاسىپكەرلەرى جانە 50-دەن استام تۇركىستان وبلىسىنىڭ تاۋار وندىرۋشىلەرى قاتىسىپ، قالا تۇرعىندارىنا ساپالى جانە نارىقتاعىدان 10-15 پايىزعا تومەن باعادا ازىق-تۇلىك تاۋارلارى ۇسىنىلدى.
تۇركىستان وبلىسىنىڭ تۇلكىباس، تولەبي، وتىرار، قازىعۇرت، سارىاعاش، ورداباسى، بايدىبەك، شاردارا اۋداندارى جارمەڭكەگە قالا تۇرعىندارىنا 6 توننا ەت، 3 توننا ءسۇت ونىمدەرى، 15 توننا كارتوپ، 7 توننا جەمىس-جيدەك، 4 توننا قىزاناق، 2 توننا قيار مەن جەمىس شىرىندارىن اكەلدى.
جارمەڭكەنى ۇيىمداستىرۋداعى نەگىزگى ماقسات –حالىقتى ءتيىمدى باعاداعى ازىق-تۇلىكپەن قامتاماسىز ەتۋ. اتالعان جارمەڭكە جەرگىلىكتى شارۋالارعا ءوز تاۋارلارىن دەلدالسىز ساتۋعا مۇمكىندىك بەردى.
