Shymkentte el Táýelsizdiginiń 30 jylyna oraı, qala ákimdiginiń qoldaýymen «Qajymuqan» atyndaǵy ortalyq stadıony alańynda aýyl sharýashylyǵy ónimderiniń jármeńkesi uıymdastyryldy.
Jármeńkege jalpy 200-den astam qala kásipkerleri jáne 50-den astam Túrkistan oblysynyń taýar óndirýshileri qatysyp, qala turǵyndaryna sapaly jáne naryqtaǵydan 10-15 paıyzǵa tómen baǵada azyq-túlik taýarlary usynyldy.
Túrkistan oblysynyń Túlkibas, Tólebı, Otyrar, Qazyǵurt, Saryaǵash, Ordabasy, Báıdibek, Shardara aýdandary jármeńkege qala turǵyndaryna 6 tonna et, 3 tonna sút ónimderi, 15 tonna kartop, 7 tonna jemis-jıdek, 4 tonna qyzanaq, 2 tonna qııar men jemis shyryndaryn ákeldi.
Jármeńkeni uıymdastyrýdaǵy negizgi maqsat –halyqty tıimdi baǵadaǵy azyq-túlikpen qamtamasyz etý. Atalǵan jármeńke jergilikti sharýalarǵa óz taýarlaryn deldalsyz satýǵa múmkindik berdi.
