شىمكەنت قالاسىنىڭ اۋىل شارۋاشىلىعى جانە ۆەتەريناريا باسقارماسىنىڭ ۇيىمداستىرۋىمەن «يننوۆاتسيالىق تاجىريبەنى تاراتۋ مەن ەنگىزۋ ءىس-شارالارىن جۇرگىزۋ» بيۋدجەتتىك باعدارلاماسى اياسىندا «شىمكەنت قالاسىنىڭ جاسىل بەلدەۋىنىڭ سۇر توپىراقتارىندا ءسابىزدى جالدا ءوسىرۋ تەحنولوگياسىن ەنگىزۋ» جوباسى بويىنشا سەمينار-كەڭەس ءوتتى.
سەمينارعا اۋىل شارۋاشىلىعى كاسىپكەرلەرى جانە وڭتۇستىك – باتىس مال جافنە وسىمدىك شارۋاشىلىعى عىلىمي-زەرتتەۋ ينستيتۋتى وكىلدەرىنىڭ قاتىستى.
باستى ماقسات - شىمكەنت قالاسىنىڭ جاسىل بەلدەۋىنىڭ سۇر توپىراقتى توپىراقتارىندا ءسابىزدىڭ قارقىندى سورتتارىن ءوسىرۋدىڭ تاراقتى تەحنولوگياسىن ەنگىزۋ، سۋ ۇنەمدەۋ ماقساتىندا تامشىلاتىپ سۋعارۋ ءادىسىن ەندىرۋ، جىلىنا 2 رەت ەكولوگيالىق تازا ءونىم الۋ جانە حالىقتى ءوزىن-ءوزى جۇمىسپەن قامتۋ بولىپ تابىلادى.
اسحانالىق ءسابىز - جەتەكشى كوكونىس داقىلدارىنىڭ ءبىرى. ءسابىز تەحنيكالىق داقىل رەتىندە دە ەكونوميكالىق ماڭىزى بار، سونىمەن قاتار دارىلىك ماقساتتاردا جانە پارفيۋمەريا سالاسىندا قولدانىلادى.
بۇگىنگى تاڭدا قالادا 120,0 مىڭ جەكە تۇرعىن ءۇي ۋچاسكىلەرى بار. ونىڭ ىشىندە 60 % قالا شەتىندە ورنالاسقان ءۇي ىرگەلىك جەرلەرى بار اۋلالار. وسى ءۇي ىرگەلىك جەرلەرگە يننوۆاتسيالىق تاجىريبەنى قولدانا وتىرىپ، ءسابىز، كارتوپ ت.ب پرەميۋم ونىمدەرىن ەگۋ ارقىلى وتباسىلىق تابىستى ارتتىرىپ، جۇمىسسىزدىق سانىن ازايتۋعا بولادى. الداعى ۋاقىتتا «وڭتۇستىك – باتىس مال جانە وسىمدىك شارۋاشىلىعى عىلىمي-زەرتتەۋ ينستيتۋتى» جشس-ءى سۇر توپىراقتاردا ءسابىزدى جالدا ءوسىرۋ تەحنولوگياسىن «BES-TULIK» شارۋا قوجالىعىنا ەنگىزۋدى جۇزەگە اسىرماق.
