شىمكەنت قالاسىندا جارىقتاندىرۋ جانە جاياۋ جۇرگىنشىلەردىڭ قاۋىپسىزدىگىن قامتاماسىز ەتۋ باعىتىندا زاماناۋي ەنەرگيا ۇنەمدەگىش LED شامدارى ورناتىلۋدا.
كوشە شامدارىن قايتا جاڭارتۋ جۇمىسى بارىسىندا 1 727 جارىق شام مەن 643 ەلەكتر باعاناسى اۋىستىرىلىپ، 84 شاقىرىمعا جەر استى كابەلىن تارتۋ جوسپارلانۋدا.
ەنەرگەتيكا جانە ينفراقۇرىلىمدى دامىتۋ باسقارماسىنىڭ دەرەگىنشە، جىل سوڭىنا دەيىن 30 كوشەدەگى تۇنگى جارىق شامدار تولىق جاڭارىپ، LED شامدارى ورناتىلادى.
جارىق شامدارى قايتا جوندەلەتىن كوشەلەر ىشىندە تەمىرلان تاس جولى مەن گاگارين، تۇركىستان، تولە بي سەكىلدى قالانىڭ باستى كوشەلەرىمەن بىرگە ەلدىمەكەندەگى كوشەلەر دە بار.
ودان بولەك، قالادا اعىمداعى جىلى 104 كوشەدە جاڭا جارىقتاندىرۋ جۇيەسىن ورناتۋ جۇمىستارى باستالسا، ونىڭ 54 كوشەسىندە قۇرىلىس جۇمىستارى اياقتالدى.
