Shymkentte bıyl 30 kóshe jaryǵy LED shamdarymen almasady

1214
Adyrna.kz Telegram

Shymkent qalasynda jaryqtandyrý jáne jaıaý júrginshilerdiń qaýipsizdigin qamtamasyz etý baǵytynda zamanaýı energııa únemdegish LED shamdary ornatylýda.

Kóshe shamdaryn qaıta jańartý jumysy barysynda 1 727 jaryq sham men 643 elektr baǵanasy aýystyrylyp, 84 shaqyrymǵa jer asty kabelin tartý josparlanýda.
Energetıka jáne ınfraqurylymdy damytý basqarmasynyń dereginshe, jyl sońyna deıin 30 kóshedegi túngi jaryq shamdar tolyq jańaryp, LED shamdary ornatylady.
Jaryq shamdary qaıta jóndeletin kósheler ishinde Temirlan tas joly men Gagarın, Túrkistan, Tóle bı sekildi qalanyń basty kóshelerimen birge eldimekendegi kósheler de bar.

Odan bólek, qalada aǵymdaǵy jyly 104 kóshede jańa jaryqtandyrý júıesin ornatý jumystary bastalsa, onyń 54 kóshesinde qurylys jumystary aıaqtaldy.

Pikirler