بۇل تۋرالى بۇگىن شىمكەنت قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى بالمارجان ناربەكوۆا مالىمدەدى. اقپاراتتىق-كوممۋنيكاتسيالىق ورتالىعىندا وتكەن بريفينگتە جاۋاپتى باسشى مەملەكەت باسشىسى ق.توقاەۆتىڭ «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى قازاقستان حالقىنا جولداۋىن ىسكە اسىرۋ باعىتىندا الەۋمەتتىك قورعاۋ ساياساتىنىڭ جۇزەگە اسىرىلۋى مەن حالىقتى جۇمىسپەن قامتۋ باعىتتارىنىڭ اعىمداعى جىلدىڭ 9 ايلىق كورسەتكىشى تۋرالى باياندادى.
«Ten qogam» الەۋمەتتىك كەڭەس بەرۋ ورتالىعى بيىلعى جىلدىڭ 1 شىلدەسىندە اشىلدى. – بۇگىنگى كۇنگە دەيىن 4224 مۇمكىندىگى شەكتەۋلى ازاماتقا ءتۇرلى قىزمەتتەر كورسەتىلدى. اتاپ ايتقاندا، ساناتوري-كۋرورتتىق ەمدەلۋگە جولداما الۋعا ءوتىنىم بەرگەندەر سانى - 2099, جولداما العاندار - 1783, «باستاۋ بيزنەس» جوباسى بويىنشا كاسىپكەرلىك نەگىزدەرىنە وقىتۋعا جولدانعان - 1, پسيحولوگتىڭ كومەگىنە جۇگىنگەندەر سانى - 20, مىندەتتى گيگيەنالىق قۇرالدار العاندار سانى -225 قۇراپ وتىر، - دەپ اتاپ ءوتتى بالمارجان ناربەكوۆا.
ورتالىقتا ازاماتتارعا قۇقىقتىق كەڭەستەر، ازاماتتاردىڭ سۇرانىسى مەن مۇمكىندىگىنە قاراي جۇمىسپەن قامتۋ شارالارى، تۇرعىن ۇيمەن قامتۋ ماسەلەلەرىنە قاتىستى كەڭەستەر بەرىلەدى. سونىمەن قاتار، اتالعان ورتالىقتا مامانداردىڭ كومەگىمەن aleumet.egov.kz پورتالى ارقىلى وزدەرىنە تيەسىلى ءتۇرلى الەۋمەتتىك قىزمەتتەرگا تاپسىرىس بەرە الادى. ايتا كەتسەك، ەرەكشە قورعالعان ازاماتتار ۇيدەن شىقپاي-اق ەلەكتروندىق قولتاڭبامەن http://aleumet.egov.kz سىلتەمەسى ارقىلى الەۋمەتتىك قىزمەتتەردى الۋعا مۇمكىندىگى بار. پورتال ارقىلى تاڭدالعان تاۋار ازاماتتىڭ ۇيىنە جەتكىزىلەدى نەمەسە قويمادان ءوزى الىپ كەتە الادى.
ازامات جاپپار
