«Nur Otan» پارتياسىنىڭ ورتالىق اپپاراتىندا تاۋەلسىزدىكتىڭ 30-جىلدىعىنا ارنالعان «ۇلى دالا» رەسپۋبليكالىق شىعارماشىلىق بايقاۋىنىڭ جەڭىمپازدارىن ماراپاتتاۋ ءراسىمى ءوتتى.بايقاۋ «Nur Otan» پارتياسى مەن قازاقستان جازۋشىلار وداعى اراسىندا وسىعان دەيىن قابىلدانعان ءوزارا ىنتىماقتاستىق تۋرالى مەموراندۋم اياسىندا ۇيىمداستىرىلدى.
سالتاناتتى ءىس-شارانى اشقان «Nur Otan» پارتياسى توراعاسىنىڭ ءبىرىنشى ورىنباسارى باۋىرجان بايبەك تاۋەلسىزدىكتىڭ 30 جىلىنداعى ەلىمىزدىڭ جەتىستىكتەرىن زەردەلەۋگە، سول ارقىلى جاس قالامگەرلەرگە جول اشۋعا باعىتتالعان «ۇلى دالا» بايقاۋىنىڭ ماڭىزى ەرەكشە ەكەنىن اتاپ ءوتتى.
«30-جىلدىق دامۋدى جەتى اۋىز سوزبەن تۇيىندەپ، جاس ۇرپاققا «ەلدىكتىڭ جەتى تۇعىرىن» انىقتاپ بەرگەن ەلباسى، «Nur Otan» پارتياسىنىڭ توراعاسى نۇرسۇلتان ءابىشۇلى نازارباەۆتىڭ «ۇلتتىق مادەنيەت – حالىقتىڭ رۋحاني تىرەگى» دەپ اتاپ كورسەتۋى تەگىن ەمەس. كەز كەلگەن مەملەكەتتىڭ وركەندەۋى – سول قوعامنىڭ رۋحاني-مادەني دەڭگەيىنە بايلانىستى. ەلباسى ايتقانداي، ءبىز الەمدەگى 200-گە تارتا ۇلتتى تەك ۇلتتىق مادەنيەتىمىزبەن، ادەبيەتىمىزبەن، رۋحانياتىمىزبەن عانا تاڭقالدىرا الامىز. وسى ورايدا «Nur Otan» پارتياسى قازاقتىڭ ونەرى مەن مادەنيەتىن بارىنشا قولداپ، جان-جاقتى قامقورلىق جاساپ كەلەدى»، - دەدى باۋىرجان بايبەك.
ونىڭ ايتۋىنشا، پارتيانىڭ 2025 جىلعا دەيىنگى سايلاۋالدى باعدارلاماسى اياسىندا ەلىمىزدە 259 مادەنيەت وشاعىن سالۋ، 1241 مادەني نىساندى جوندەۋ، 150 نىساندا عىلىمي رەستاۆراتسيا جۇمىستارى جوسپارلانسا، بيىلدىڭ وزىندە 200-گە جۋىق مادەنيەت نىسانىنا جوندەۋ جۇرگىزىلگەن. سونداي-اق، ول وسى جىلدىڭ تاعى ءبىر جاڭالىعى رەتىندە بارلىق مادەني-ادەبي شارالاردى كەشەندى تۇردە اتقارۋ ءۇشىن «ۇلتتىق مۇرا» پارتيالىق جوباسى بەكىتىلگەنىن جەتكىزدى. ونىڭ اياسىندا ايتىس، ءمۇشايرا، جىر-تەرمە، شىعارماشىلىق بايقاۋ سياقتى 250-دەي ءىس-شارا وتكىزۋ جوسپارلانعان. ال جىل باسىنان بەرى پارتيانىڭ قولداۋىمەن 49 اقىندار ايتىسى وتكىزىلدى.
پارتيا توراعاسىنىڭ ءبىرىنشى ورىنباسارى «Nur Otan» جانىنان قۇرىلعان «Miras» كەڭەستەرىنىڭ جۇمىسىنا توقتالدى. بيىل كەڭەس مۇشەلەرى وتاندىق كينەماتوگرافيانى دامىتۋ، مادەني وشاقتاردى قالپىنا كەلتىرۋ، تاريحي مۇرالاردى ساقتاۋ سياقتى تاقىرىپتار اياسىندا كوپتەگەن وزەكتى ماسەلەلەردى كوتەرگەن.
باۋىرجان بايبەك پارتيا وتكىزگەن پرايمەريزگە 350-دەن اسا قالامگەر، پۋبليتسيست، ايتىسكەر، جۋرناليست قاتىسقانىن ايتا كەلە، ەلدىڭ دامۋىنا، قوعامنىڭ وسۋىنە باعىتتالعان ەڭبەكتەرى مەن ازاماتتىق بەلسەندىلىكتەرى ءۇشىن بارشا قالامگەر قاۋىمعا ريزاشىلىعىن ءبىلدىردى.
«ۇلى دالا» بايقاۋىنا 2021 جىلعى 1 قازان مەن 30 قاراشا ارالىعىندا ەلىمىزدىڭ تۇكپىر-تۇكپىرىندەگى 18 بەن 40 جاس ارالىعىنداعى قالامگەرلەردەن باس-اياعى 400-گە تارتا شىعارما كەلىپ ءتۇستى. ونىڭ ىشىندە ەرەجە تالاپتارىنا ساي دەپ تانىلعان 287 شىعارما ىرىكتەلىپ، aikyn.kz سايتىندا جاريالاندى.
بايقاۋ كوميسسياسى بىرلەسكەن شەشىم ارقىلى «پروزا»، «پوەزيا»، «دراماتۋرگيا»، «كوركەم فيلم مەن تەلەسەريال ستسەناريى»، «بالالارعا ارنالعان شىعارما» اتتى بەس اتالىم بويىنشا بارلىعى 16 جۇلدەلى ورىن يەگەرىن انىقتادى.
بايقاۋ كوميسسياسىنىڭ توراعاسى، مەملەكەتتىك سىيلىقتىڭ لاۋرەاتى، قازاقستاننىڭ ەڭبەك سىڭىرگەن قايراتكەرى، جازۋشى الىبەك اسقار 287 شىعارمانىڭ 173-ءشى – پوەزيا، 52-ءسى – پروزا، 43-ءى – بالالارعا ارنالعان شىعارما، 10-ى – دراماتۋرگيا، 9-ى – كوركەم فيلم مەن تەلەسەريال ستسەناريى جانرى بويىنشا جازىلعانىن ايتتى.
«وسى شىعارمالاردىڭ بارلىعىن ءاربىر جانر بويىنشا ءبولىپ الىپ، كوميسسيا مۇشەلەرى جەكە-جەكە قاراپ شىقتىق. بىرنەشە رەت باس قوسىپ، تالقىلادىق. تالانتتار وتە كوپ. العاشىندا بارلىق جانرعا 3 ورىننان بەلگىلەگەنىمىزبەن، سوڭعى جينالىستا پارتيانىڭ باسشىلىعىنا «پوەزيا» مەن «پروزا» نوميناتسياسىنا تاعى ەكى ورىننان قوسۋعا ءوتىنىش جاسادىق. ولار وسى ەكى جانردىڭ ارقايسىنا تاعى ەكى ارنايىسىيلىق قوسىپ بەردى. وسى ورايدا، رۋحانياتىمىزدى قولداعان «Nur Otan» پارتياسىنا العىسىمدى بىلدىرەمىن»، - دەدى الىبەك اسقار.
سونىمەن، «پروزا» نوميناتسياسى بويىنشا ءبىرىنشى ورىندى – جازۋشى قانات ابىلقايىر، ەكىنشى ورىندى – IT مامان، مەدياساۋات جانە كيبەرقاۋىپسىزدىك بويىنشا مەدياترەنەر مەيىرجان جىلقىباي، ءۇشىنشى ورىندى – اقىن، اۋدارماشى، جازۋشى ارمان ادىلبەك يەلەندى. وسى نوميناتسياداعى ورالحان بوكەي اتىنداعى ارنايى سىيلىق ل.ن.گۋميلەۆ اتىنداعى ەۇۋ-ءنىڭ وقىتۋشىسى الماز مىرزاحمەتكە بۇيىرسا، بەردىبەك سوقپاقباەۆ اتىنداعى ارنايى سىيلىقتى شەت تىلدەر جانە ىسكەرلىك كارەرا ۋنيۆەرسيتەتىنىڭ مۇعالىمى ەلميرا نازيروۆا جەڭىپ الدى.
«پوەزيا» نوميناتسياسىندا بءىرىنشى ورىنعاجامبىل وبلىستىق «AR-AI» گازەتىنىڭ «مادەنيەت جانە الەۋمەت» ءبولىمىنىڭ رەداكتورى نۇرجان قادىرالى, ەكىنشى ورىنعا الماتى وبلىسىنىڭ كوكقاينار اۋىلىنداعى №44 ورتا مەكتەءپتىڭ مۇعالىمى تولەگەن مەللات، ءۇءشىنشى ورىنعا شىعىس قازاقستان وبلىسىنىڭ «اياگوز جاڭالىقتارى» اۋداندىق گازەتىنىڭ باس رەداكتورى ەرمەك دايىرباەۆ لايىقتى دەپ تانىلدى. م.ماقاتاەۆ اتىنداعى ارنايى سىيلىقتى «ورال ءوڭىرى» باتىس قازاقستان وبلىستىق قوعامدىق-ساياسي گازەتىنىڭ ءتىلشىسى مارلەن عيلىمحان, ال ج.جاباەۆ اتىنداعى ارنايى سىيلىقتى رەسپۋبليكالىق «Egemen Qazaqstan» گازەتىنىڭ ءتىلشىسى راۋان قابيدولدين يەلەندى.
«دراماتۋرگيا» نوميناتسياسىندا ءۇءشىنشى ورىنعا ورال قالاسىنىڭ ميچۋرين مەكتەبى بالاباقشا-بوبەكجاي كەشەنىنىڭ مۇعالىمى ايتولقىن بالمۋلدينا لايىقتى دەپ تانىلدى.
«كوركەم فيلم مەن تەلەسەريال ستسەناريى»نوميناتسياسى بويىنشا ەكىنشى ورىندى نۇر-سۇلتان قالاسى باۋىرجان مومىشۇلى اتىنداعى №53 مەكتەپ-ليتسەيدىڭ مۇعالىمى جاقسىلىق مۇراتبەك يەلەنسە، ءۇءشىنشى ورىندى جازۋشى، ستسەناريست زاۋرە تورەحان جەڭىپ الدى.
«بالالارعا ارنالعان شىعارما» نوميناتسياسى بويىنشا بءىرىنشى ورىن – «Abai TV» تەلەارناسىنىڭ قىزمەتكەرى ولجاس قاسىمعا، ەكىنشى ورىن – ءال-فارابي اتىنداعى قۇۋ-ءنىڭ «قازاق ۋنيۆەرسيتەتى» گازەتىنىڭ ءتىلشىسى نۇربەك نۇرجانۇلىنا، ءۇءشىنشى ورىن «Egemen Qazaqstan» گازەتىنىڭ ءبولىم مەڭگەرۋشىسى ميراس اسانعا بۇيىردى.
سالتاناتتى شارادا «پوەزيا» نوميناتسياسىندا ءبىرىنشى ورىنعا لايىقتى دەپ تانىلعان نۇرجان قادىرالى ءوز لەبىزىن ءبىلدىردى.
«تاۋەلسىزدىكتىڭ قالاي كەلگەنى اعا بۋىن وكىلدەرىنە جاقسى بەلگىلى. ال ءبىز سياقتى تاۋەلسىزدىكتىڭ قۇرداستارى مەن ەل ەگەمەندىگىن العاننان كەيىن دۇنيەگە كەلگەن بالالار ءۇشىنتاۋەلسىزدىك – ول اناداي قادىرلى، اكەدەي اسىل، باۋىرداي ىستىق، ىنىدەي ىزگى، قارىنداستاي اياۋلى، وسىناۋ باق-بەرەكەمىزدىڭ بويتۇمارى. ەلباسى قاسيەتتى قارا شاڭىراق قازاقستاننىڭ كەلەشەگىندە ءبىز سياقتى جاس بۋىنعا ۇلكەن سەنىم ارتتى. سول سەنىمنەن شىعا بەرەيىك. تاۋەلسىزدىك دەگەن ءبىر كۇندىك مەرەكە ەمەس. تاۋەلسىزدىكتىڭ ءاربىر كۇنى مەرەكە!»،- دەدى ول.
ءوز كەزەگىندە بەردىبەك سوقپاقباەۆ اتىنداعى ارنايى سىيلىقتىڭ يەگەرى اتانعان ەلميرا نازيروۆا قازاقستاندىقتاردى تاۋەلسىزدىك مەرەكەسىمەن قۇتتىقتاي كەلە، «ەگەمەندىك پەن ەلباسى ەگىز ۇعىم دەپ سانايمىن. سەبەبى، قازىرگى تاڭدا قازاقستان بەيبىتسۇيگىش، تولەرانتتى ەل رەتىندە تانىلدى. ودان بولەك، ىشكى ساياساتتا، جاستاردى، جاس انالاردى قولدايتىن بىردەن-ءبىر مەملەكەتتەردىڭ ءبىرىمىز»، - دەدى.
ەسكە سالا كەتەيىك، بايقاۋدا ءبىرىنشى ورىن جۇلدەسى ءۇشىن – 1 000 000 تەڭگە، ەكىنشى ورىنعا – 750 000 تەڭگە، ءۇشىنشى ورىنعا مەن ارنايى سىيلىققا – 500 000 تەڭگەدەن جۇلدە بەرىلدى.
