«Nur Otan» partııasynyń Ortalyq apparatynda Táýelsizdiktiń 30-jyldyǵyna arnalǵan «Uly dala» respýblıkalyq shyǵarmashylyq baıqaýynyń jeńimpazdaryn marapattaý rásimi ótti.Baıqaý «Nur Otan» partııasy men Qazaqstan Jazýshylar odaǵy arasynda osyǵan deıin qabyldanǵan Ózara yntymaqtastyq týraly memorandým aıasynda uıymdastyryldy.
Saltanatty is-sharany ashqan «Nur Otan» partııasy Tóraǵasynyń Birinshi orynbasary Baýyrjan Baıbek Táýelsizdiktiń 30 jylyndaǵy elimizdiń jetistikterin zerdeleýge, sol arqyly jas qalamgerlerge jol ashýǵa baǵyttalǵan «Uly dala» baıqaýynyń mańyzy erekshe ekenin atap ótti.
«30-jyldyq damýdy jeti aýyz sózben túıindep, jas urpaqqa «Eldiktiń jeti tuǵyryn» anyqtap bergen Elbasy, «Nur Otan» partııasynyń Tóraǵasy Nursultan Ábishuly Nazarbaevtyń «Ulttyq mádenıet – halyqtyń rýhanı tiregi» dep atap kórsetýi tegin emes. Kez kelgen memlekettiń órkendeýi – sol qoǵamnyń rýhanı-mádenı deńgeıine baılanysty. Elbasy aıtqandaı, biz álemdegi 200-ge tarta ultty tek ulttyq mádenıetimizben, ádebıetimizben, rýhanııatymyzben ǵana tańqaldyra alamyz. Osy oraıda «Nur Otan» partııasy qazaqtyń óneri men mádenıetin barynsha qoldap, jan-jaqty qamqorlyq jasap keledi», - dedi Baýyrjan Baıbek.
Onyń aıtýynsha, partııanyń 2025 jylǵa deıingi saılaýaldy baǵdarlamasy aıasynda elimizde 259 mádenıet oshaǵyn salý, 1241 mádenı nysandy jóndeý, 150 nysanda ǵylymı restavraııa jumystary josparlansa, bıyldyń ózinde 200-ge jýyq mádenıet nysanyna jóndeý júrgizilgen. Sondaı-aq, ol osy jyldyń taǵy bir jańalyǵy retinde barlyq mádenı-ádebı sharalardy keshendi túrde atqarý úshin «Ulttyq mura» partııalyq jobasy bekitilgenin jetkizdi. Onyń aıasynda aıtys, múshaıra, jyr-terme, shyǵarmashylyq baıqaý sııaqty 250-deı is-shara ótkizý josparlanǵan. Al jyl basynan beri partııanyń qoldaýymen 49 aqyndar aıtysy ótkizildi.
Partııa Tóraǵasynyń birinshi orynbasary «Nur Otan» janynan qurylǵan «Miras» keńesteriniń jumysyna toqtaldy. Bıyl Keńes músheleri otandyq kınematografııany damytý, mádenı oshaqtardy qalpyna keltirý, tarıhı muralardy saqtaý sııaqty taqyryptar aıasynda kóptegen ózekti máselelerdi kótergen.
Baýyrjan Baıbek partııa ótkizgen praımerızge 350-den asa qalamger, pýblııst, aıtysker, jýrnalıst qatysqanyn aıta kele, eldiń damýyna, qoǵamnyń ósýine baǵyttalǵan eńbekteri men azamattyq belsendilikteri úshin barsha qalamger qaýymǵa rızashylyǵyn bildirdi.
«Uly dala» baıqaýyna 2021 jylǵy 1 qazan men 30 qarasha aralyǵynda elimizdiń túkpir-túkpirindegi 18 ben 40 jas aralyǵyndaǵy qalamgerlerden bas-aıaǵy 400-ge tarta shyǵarma kelip tústi. Onyń ishinde Ereje talaptaryna saı dep tanylǵan 287 shyǵarma iriktelip, aikyn.kz saıtynda jarııalandy.
Baıqaý komıssııasy birlesken sheshim arqyly «Proza», «Poezııa», «Dramatýrgııa», «Kórkem fılm men teleserıal senarıi», «Balalarǵa arnalǵan shyǵarma» atty bes atalym boıynsha barlyǵy 16 júldeli oryn ıegerin anyqtady.
Baıqaý komıssııasynyń tóraǵasy, Memlekettik syılyqtyń laýreaty, Qazaqstannyń eńbek sińirgen qaıratkeri, jazýshy Álibek Asqar 287 shyǵarmanyń 173-shi – poezııa, 52-si – proza, 43-i – balalarǵa arnalǵan shyǵarma, 10-y – dramatýrgııa, 9-y – kórkem fılm men teleserıal senarıi janry boıynsha jazylǵanyn aıtty.
«Osy shyǵarmalardyń barlyǵyn árbir janr boıynsha bólip alyp, komıssııa músheleri jeke-jeke qarap shyqtyq. Birneshe ret bas qosyp, talqyladyq. Talanttar óte kóp. Alǵashynda barlyq janrǵa 3 orynnan belgilegenimizben, sońǵy jınalysta partııanyń basshylyǵyna «Poezııa» men «Proza» nomınaııasyna taǵy eki orynnan qosýǵa ótinish jasadyq. Olar osy eki janrdyń árqaısyna taǵy eki arnaıysyılyq qosyp berdi. Osy oraıda, rýhanııatymyzdy qoldaǵan «Nur Otan» partııasyna alǵysymdy bildiremin», - dedi Álibek Asqar.
Sonymen, «Proza» nomınaııasy boıynsha birinshi oryndy – jazýshy Qanat Ábilqaıyr, ekinshi oryndy – IT maman, medıasaýat jáne kıberqaýipsizdik boıynsha medıatrener Meıirjan Jylqybaı, úshinshi oryndy – aqyn, aýdarmashy, jazýshy Arman Ádilbek ıelendi. Osy nomınaııadaǵy Oralhan Bókeı atyndaǵy arnaıy syılyq L.N.Gýmılev atyndaǵy EUÝ-niń oqytýshysy Almaz Myrzahmetke buıyrsa, Berdibek Soqpaqbaev atyndaǵy arnaıy syılyqty Shet tilder jáne iskerlik karera ýnıversıtetiniń muǵalimi Elmıra Nazırova jeńip aldy.
«Poezııa» nomınaııasynda birinshi orynǵaJambyl oblystyq «AR-AI» gazetiniń «Mádenıet jáne áleýmet» bóliminiń redaktory Nurjan Qadiráli, ekinshi orynǵa Almaty oblysynyń Kókqaınar aýylyndaǵy №44 orta mekteptiń muǵalimi Tólegen Mellat, úshinshi orynǵa Shyǵys Qazaqstan oblysynyń «Aıagóz jańalyqtary» aýdandyq gazetiniń bas redaktory Ermek Daıyrbaev laıyqty dep tanyldy. M.Maqataev atyndaǵy arnaıy syılyqty «Oral óńiri» Batys Qazaqstan oblystyq qoǵamdyq-saıası gazetiniń tilshisi Marlen Ǵılymhan, al J.Jabaev atyndaǵy arnaıy syılyqty Respýblıkalyq «Egemen Qazaqstan» gazetiniń tilshisi Raýan Qabıdoldın ıelendi.
«Dramatýrgııa» nomınaııasynda úshinshi orynǵa Oral qalasynyń Mıchýrın mektebi balabaqsha-bóbekjaı kesheniniń muǵalimi Aıtolqyn Balmýldına laıyqty dep tanyldy.
«Kórkem fılm men teleserıal senarıi»nomınaııasy boıynsha ekinshi oryndy Nur-Sultan qalasy Baýyrjan Momyshuly atyndaǵy №53 mektep-lıeıdiń muǵalimi Jaqsylyq Muratbek ıelense, úshinshi oryndy jazýshy, senarıst Záýre Tórehan jeńip aldy.
«Balalarǵa arnalǵan shyǵarma» nomınaııasy boıynsha birinshi oryn – «Abai TV» telearnasynyń qyzmetkeri Oljas Qasymǵa, ekinshi oryn – Ál-Farabı atyndaǵy QUÝ-niń «Qazaq ýnıversıteti» gazetiniń tilshisi Nurbek Nurjanulyna, úshinshi oryn «Egemen Qazaqstan» gazetiniń bólim meńgerýshisi Mıras Asanǵa buıyrdy.
Saltanatty sharada «Poezııa» nomınaııasynda birinshi orynǵa laıyqty dep tanylǵan Nurjan Qadiráli óz lebizin bildirdi.
«Táýelsizdiktiń qalaı kelgeni aǵa býyn ókilderine jaqsy belgili. Al biz sııaqty táýelsizdiktiń qurdastary men el egemendigin alǵannan keıin dúnıege kelgen balalar úshinTáýelsizdik – ol anadaı qadirli, ákedeı asyl, baýyrdaı ystyq, inideı izgi, qaryndastaı aıaýly, osynaý baq-berekemizdiń boıtumary. Elbasy qasıetti qara shańyraq Qazaqstannyń kelesheginde biz sııaqty jas býynǵa úlken senim artty. Sol senimnen shyǵa bereıik. Táýelsizdik degen bir kúndik mereke emes. Táýelsizdiktiń árbir kúni mereke!»,- dedi ol.
Óz kezeginde Berdibek Soqpaqbaev atyndaǵy arnaıy syılyqtyń ıegeri atanǵan Elmıra Nazırova qazaqstandyqtardy Táýelsizdik merekesimen quttyqtaı kele, «Egemendik pen Elbasy egiz uǵym dep sanaımyn. Sebebi, qazirgi tańda Qazaqstan beıbitsúıgish, tolerantty el retinde tanyldy. Odan bólek, ishki saıasatta, jastardy, jas analardy qoldaıtyn birden-bir memleketterdiń birimiz», - dedi.
Eske sala keteıik, baıqaýda birinshi oryn júldesi úshin – 1 000 000 teńge, ekinshi orynǵa – 750 000 teńge, úshinshi orynǵa men arnaıy syılyqqa – 500 000 teńgeden júlde berildi.
