دۋلىعا اقمولدا 50 جاسقا تولدى. جۇرەكجاردى قۇتتىقتاۋ تىلەكتى ۇلتتىق كينونى قولداۋ مەملەكەتتىك ورتالىعى ءوز فەيسبۋك پاراقشاسىندا ءبولىستى، دەپ حابارلايدى “ادىرنا” ۇلتتىق پورتالى.
⠀
بۇگىن قازاقستانداعى ەڭ تانىمال ءارى سۇرانىسقا يە، كينوماندار دا، تەاتر ونەرىنىڭ جانكۇيەرلەرى دە جاقسى بىلەتىن جانە جاقسى كورەتىن اكتەرلەردىڭ ءبىرى – دۋلىعا اقمولدا 50 جىلدىق مەرەيتويىن اتاپ وتۋدە.
⠀
ول 1993 جىلى الماتى تەاتر ينستيتۋتىنداعى تۇڭعىشباي جامانقۇلوۆتىڭ شەبەرحاناسىن ۇزدىك بىتىرگەن. تالىمگەر بولاشاعى زور 22 جاسار تۇلەگىن ءوزى وينايتىن ساحناعا – م. اۋەزوۆ اتىنداعى قازاق ۇلتتىق دراما تەاترىنا الىپ كەلەدى. ول جەردە دۋلىعا 30-دان استام رولدەردى سومداعان. رومەودان باستاپ كورول ليرگە دەيىن، حلەستاكوۆتان سپارگاپيسكە دەيىن – اكتەردىڭ شىعارماشىلىق مۇمكىندىكتەرىنىڭ اۋقىمى كەڭ.
⠀
ارينە، مۇنداي تالانت كينو الەمىندە نازاردان تىس قالمادى. ونىڭ كينوداعى مانسابى 2001 جىلى ساتىبالدى نارىمبەتوۆ «قىز جىلاعان» فيلمىنە شاقىرعاندا باستالعان. سودان بەرى اكتەر دراما، كومەديا، ەكشن، تريللەر سياقتى ءتۇرلى جانرداعى تولىق مەتراجدى كارتينالار مەن تەلەشوۋلاردا وينادى. بۇگىندە ونىڭ كينوداعى جەتىستىكتەرى تەاترلىق ەڭبەكتەرىنەن كەم تۇسپەيدى – جانە بىرنەشە جىل بۇرىن قر پرەزيدەنتىنىڭ جارلىعىمەن اكتەرگە تەاتر جانە كينو ونەرى سالاسىنداعى جەتىستىكتەرى ءۇشىن «قازاقستاننىڭ ەڭبەك سىڭىرگەن قايراتكەرى» قۇرمەتتى اتاعى بەرىلگەن.
⠀
كينو ورتالىعىنىڭ ۇجىمى دۋلىعا دوسمۇحامبەتۇلىن مەرەيتويىمەن شىن جۇرەكتەن قۇتتىقتايدى جانە زور دەنساۋلىق، مول باقىت پەن تاۋسىلماس شىعارماشىلىق تابىس تىلەيدى!
“ادىرنا” ۇلتتىق پورتالى
