اتالعان ۇسىنىس تۇركيا رەسپۋبليكاسىنىڭ يزمير قالاسىندا وتكەن گيبريدتىك فورماتتا مادەنيەت جونىندەگى «بىرىككەن قالالار جانە جەرگىلىكتى بيلىك» دۇنيەجۇزىلىك ۇيىمىنىڭ IV سامميتىندە ايتىلدى. اتالعان سامميتكە شىمكەنت قالاسىنىڭ تۋريزم جانە سىرتقى بايلانىستار باسقارماسى مەن «Visit Shymkent» تۋريستىك اقپاراتتىق ورتالىعىنىڭ قىزمەتكەرلەرى قاتىسقان بولاتىن.
شارا ناتيجەسىندە يزمير مەن شىمكەنت قالالارى اراسىنداعى دوستىق قارىم-قاتىناستى ودان ءارى جانداندىرۋ جونىندە كەلىسىمگە كەلدى. ەسكە سالا كەتسەك، يزمير مەن شىمكەنت، 2004 جىلدان بەرى باۋىرلاس قالا ستاتۋسىندا. ودان وزگە، 2022 جىلى قازان قالاسىندا يۋنەسكو-نىڭ ۇيىمداستىرۋىمەن وتەتىن اۋقىمدى شاراعا دا شىمكەنت قالاسىنىڭ قاتىسۋىنا ۇسىنىس ءتۇستى.
اتالعان ۇيىم عاسىردان اسا ۋاقىت بۇرىن قۇرىلعان. مۇشەلىكتەگى ەلدەر عالامدىق اۋقىمدى ساۋالداردى شەشۋدە باس قوسىپ، مۋنيتسيپالدى جانە مادەني بايلانىستى ساقتاپ، تاجىريبەمەن ءبولىسىپ وتارادى. جالپى سانى 240 مىڭ ءوڭىر مەن مەگاپوليس جانە بۇۇ قۇرامىنداعى 140-تان استام ەل وسى ۇيىمعا مۇشە بولىپ تابىلادى. ال، بۇگىندە ەلىمىزدىڭ نۇر-سۇلتان جانە تۇركىستان قالالارى ۇيىم قۇرامىنا ەنىپ ۇلگەرگەن.
