شىمشاھاردا قر تاۋەلسىزدىگىنىڭ 30 جىلدىعى كەڭ كولەمدە تويلانۋدا. ايتۋلى جىل اياسىندا قالا اكىمى مۇرات ايتەنوۆتىڭ باستاماسىمەن ءۇش اۋداندا جاستارعا ارنالعان ورتالىقتار پايدالانۋعا بەرىلدى.
شاھار باسشىسىنىڭ قاتىسۋىمەن جاستار رەسۋرستىق ورتالىعىنىڭ قاراتاۋ اۋداندىق بولىمشەسى سالتاناتتى تۇردە اشىلدى.
جاڭا ورتالىقپەن تانىسىپ كورگەن قالا اكىمى مۇرات دۇيسەنبەكۇلى اۋدان جاستارىن زاماناۋي رەسۋرستىق ورتالىقتىڭ اشىلۋىمەن قۇتتىقتادى.
– رەسپۋبليكالىق ستاتۋسقا يە بولعالى قالامىز جان-جاقتى دامىپ كەلەدى. شاھارداعى حالىقتىڭ ورتاشا جاسى 28-ءدى قۇرايدى. بۇل – شىمكەنتتى جاستار قالاسى دەۋگە بولادى دەگەن ءسوز. ال جاستارعا زاماناۋي ورتالىقتار قاجەت. جالپى ەندى مۇنىڭ ءبارى مەملەكەتىمىزدىڭ جاستارعا دەگەن قولداۋى. بۇگىنگى جاستار – ەلىمىزدىڭ ىرگەتاسى. سولارعا ءبىلىم بەرۋ، جاعداي جاساۋ، جاڭا زاماناۋي ورتالىقتاردى اشۋ – مەملەكەتىمىزدىڭ باستى باعدارلامالارى، باستى باعىتتارى بولىپ تابىلادى، - دەدى قالا اكىمى.
مۇنان سوڭ، شاھار باسشىسى «قازاقستان جاستار كونگرەسى» زاڭدى تۇلعالار بىرلەستىگىنىڭ اتقارۋشى ديرەكتورى توقتار بولىسوۆتىڭ ىنتىماقتاستىق مەموراندۋمىنا قول قويدى.
ال قالالىق «جاستار رەسۋرستىق ورتالىعى» كمم-ءنىڭ باسشىسى ەرلان ايتباەۆتىڭ ايتۋىنشا، جاستاردىڭ يگىلىگى ءۇشىن پايدالانۋعا بەرىلىپ وتىرعان ورتالىق ءبىر مەزەتتە 50-100 ادامعا دەيىن قىزمەت كورسەتۋگە قاۋقارلى. 5 باعىت بويىنشا جۇمىس جاسايتىن بولىمشەدە جاستارعا قىزمەت كورسەتۋدەن باستاپ، ولاردىڭ اراسىنداعى تالانتتىلارىن قولداۋعا دا مۇمكىندىكتەر قاراستىرىلعان. سونىمەن قاتار، جاڭا نىساندا كوۆوركينگ ورتالىعى، شاعىن كىتاپحانا، پسيحولوگيالىق كەڭەس بەرۋ بولمەسى دە بار. پسيحولوگ-مەدياتورلار جاستارمەن جۇمىس ىستەۋ ماقساتىندا ارنايى جيناقتار دايىنداعان.
سونداي-اق، مۇندا قولدانىستاعى مەملەكەتتىك باعدارلامالار، جاستارعا ارنالعان مۇمكىندىكتەر جانە قالادا جۇرگىزىلىپ جاتقان رەفورمالار، جاس وتباسىلار اراسىندا اجىراسۋدىڭ الدىن الۋ، NEET ساناتىنداعى جاستارمەن جۇمىس، ءانونيمدى پسيحولوگيالىق كومەك كورسەتۋ، جاستار مەن جاستار ۇيىمدارىنا قۇقىقتىق، ادىستەمەلىك كومەك كورسەتۋ تۋرالى كەڭەستەر وتكىزىلەدى.
