قر پرەزيدەنتى قاسىم-جومارت توقاەۆ «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى قازاقستان حالقىنا ارناعان جولداۋىندا فارماتسەۆتيكا ونەركاسىبىنە ەرەكشە كوڭىل ءبولۋدى ايتىپ، وتاندىق ءدارى-دارمەك پەن قۇرال-جابدىقتىڭ ۇلەسىن بۇگىنگى 17 پايىزدان 50 پايىزعا جەتكىزۋ مەجەسىن بەلگىلەدى. بۇل باعىتتا جاقسى دامىپ كەلە جاتقان شىمكەنت قالاسىنداعى وتاندىق ءدارى-دارمەكتەردىڭ ءىرى ءوندىرۋشىسى بولىپ تابىلاتىن «حيمفارم» زاۋىتىن اتاپ وتكەن ءجون.
بۇگىندە كاسىپورىن تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە «سامۇرىق-قازىنا فارماتسيا» جشس ساتىپ الاتىن دارىلىك زاتتاردىڭ جالپى كولەمىنىڭ ۇشتەن ءبىرىن وندىرەدى.
«حيمفارم» كومپانياسى وتكەن جىلى 52,6 ملرد تەڭگەگە 76,920 مىڭ ءونىم قاپتاماسىن وندىرسە، وسى جىلدىڭ جەتى ايىندا 25,8 ملرد تەڭگەگە 42 مىڭ شاماسىندا ءونىم قاپتاماسىن شىعارعان. بۇعان قوسا، كومپانيادا مەديتسينانىڭ تەراپيا سالاسىنا قاجەتتى الۋان ءتۇرلى اۋرۋلاردى ەمدەۋگە ارنالعان 12 فارموتەراپيالىق توپقا جاتاتىن 200-دەن استام دجەنريكتىك جانە تۇپنۇسقالىق پرەپاراتتار شىعارىلادى. سونداي-اق، زاۋىت قازىرگى كۇنى شىمكەنت قالاسىندا تۇراتىن 1 مىڭعا جۋىق ادامدى تۇراقتى جۇمىسپەن قامتىپ وتىر.
قازىرگى ۋاقىتتا كومپانيا GMP حالىقارالىق ستاندارتتارىنا سايكەس جۇمىس ىستەپ تۇرعان فارماتسەۆتيكالىق وندىرىستەردى جاڭعىرتۋ بويىنشا اسا ءىرى ينۆەستيتسيالىق جوبانى ىسكە اسىرۋدا. 2023 جىلعا دەيىنگى ينۆەستيتسيالىق باعدارلامانىڭ كولەمى 120 ميلليون اقش دوللارىنان استام سومانى قۇرايدى. بۇگىنگى تاڭدا يگەرىلگەن سوما 97 ملن. اقش دوللارىن قۇرايدى.
كومپانيا ونىمدەرىن رەسەي، ۋكراينا، قىرعىزستان، موڭعوليا، وزبەكستان، تۇركمەنستان، تاجىكستان سىندى 7 ەلدىڭ نارىقتارىنا ەكسپورتتايدى جانە ىشكى نارىقتىڭ قاجەتتىلىكتەرىن قامتاماسىز ەتەدى.
شىمكەنت قالاسى اكىمدىگىنىڭ ءباسپاسوز قىزمەتى
