6 قىركۇيەكتەگى مالىمەت بويىنشا رەسپۋبليكا كولەمىندە 302 159 رەسپوندەنت ونلاين ساناقتان وتكەن. استانالىقتار (46 480 ادام) مەن الماتىلىقتاردان (43 690) قالىسپاي، شىمكەنتتىكتەر ۇزدىك ۇشتىكتى تۇيىندەپ وتىر. ياعني، 40 791 شىمكەنتتىك ساناق ساۋالدارىنا جاۋاپ بەرىپ، ەسەپكە الىندى.
وتكەن اپتادا ۇلتتىق ستاتيستيكا بيۋروسىنىڭ شىمكەنت قالاسى بويىنشا دەپارتامەنتى ماماندارى مەگاپوليستىڭ جەرگىلىكتى اتقارۋشى ورگاندارى مەن اۋماقتىق ورگاندار قىزمەتكەرلەرىنە ساناقتان ونلاين وتۋگە قاتىستى سەمينار وتكىزدى. دارىسكە 50-گە جۋىق مەملەكەتتىك قىزمەتشى قاتىسىپ، ولارعا ساناق پاراقتارىن تولتىرۋ جونىندە ءتۇسىندىرۋ جۇمىستارى جۇرگىزىلگەن.
— جاڭا وقۋ جىلىنىڭ باستالۋىنا وراي، شىمكەنت قالالىق ءبىلىم باسقارماسىنا قاراستى مەكەمە قىزمەتكەرلەرىمەن Zoom باعدارلاماسى ارقىلى ونلاين بايلانىس ورناتتىق. اقپاراتتىق دارىسكە بالاباقشا، مەكتەپ، كوللەدجدەن 230-عا جۋىق مۇعالىم قاتىسىپ، ونلاين ساناقتان ءوتۋدىڭ قىر-سىرىن ۇيرەندى، - دەيدى اتالمىش دەپارتامەنت باسشىسىنىڭ ورىنباسارى جانار ەرەجەپوۆا.
تۇرعىندار ساناقتان ءوتۋ بارىسىندا تۋىنداعان ساۋالدار بويىنشا رەسپۋبليكالىق
1446 بايلانىس ورتالىعىمەن بايلانىسا الادى. سونداي-اق، مەگاپوليس تۇرعىندارى ءۇشىن ارنايى جەدەل جەلى ۇيىمداستىرىلدى. ەندى شىمكەنتتىكتەر كۇندىزگى ۋاقىتتا 39-50-75, تاۋلىك بويى 8-700-639-50-10 نومىرلەرىنە حابارلاسىپ، جالپىۇلتتىق ساناقتان ونلاين ءوتۋ ءۇشىن كونسۋلتاتسيالىق كومەك الۋعا مۇمكىندىگى بار.
وتكەن اپتادا ۇلتتىق ستاتيستيكا بيۋروسىنىڭ شىمكەنت قالاسى بويىنشا دەپارتامەنتى عيماراتىندا ساناقتان ونلاين ءوتۋ ءۇشىن ارنايى بۇرىش ۇيىمداستىرىلعانىن حابارلاعان بولاتىنبىز. ارنايى بۇرىشتىڭ قىزمەتىنە جۇزگە جۋىق ازامات جۇگىنىپ، 7 قىركۇيەككە دەيىن قۇجاتى تۇگەل 20 رەسپوندەنتتىڭ ونلاين ساناقتان وتۋىنە كومەك كورسەتىلگەن. سونىمەن قاتار، تۇرعىندار ءجيى شوعىرلاناتىن مەملەكەتتىك مەكەمەلەردىڭ عيماراتتارى مەن ساۋدا ورتالىقتارىندا دا ونلاين تىركەلۋ بۇرىشتارى ۇيىمداستىرىلۋدا.
ايتا كەتەيىك، حالىق ساناعى كەزەڭىندە ساناق پەرسونالىنا كۋالىك، حالىق ساناعىنىڭ سيمۆوليكاسى بار كوك ءتۇستى شارف پەن كوك ءتۇستى سومكە بەرىلەدى. كۋالىكتە ينتەرۆيۋەردىڭ نەمەسە نۇسقاۋشى-باقىلاۋشىنىڭ سۋرەتى، سونىمەن قاتار تەگى، اتى، اكەسىنىڭ اتى، قۇجاتتىڭ بەرىلگەن كۇنى جانە ونىڭ جارامدىلىق مەرزىمى، اۋماقتىق ستاتيستيكا ورگانىنىڭ قول
