بۇگىن 1 قازان - حالىقارالىق قارتتار كۇنى. وسىعان وراي شىمكەنت قالاسىنىڭ اكىمى مۇرات ايتەنوۆ قالالىق ارداگەرلەر كەڭەسىنىڭ توراعاسى كەنجەحان تولەباەۆپەن بىرگە ارداگەرلەردىڭ شاڭىراعىنا ارنايى بارىپ، ولاردى مەرەكەمەن قۇتتىقتادى.
بار عۇمىرىن قاجىرلى ەڭبەك پەن ەلىنىڭ ءوسىپ-وركەندەۋىنە ارناعان قارتتارعا قۇرمەت كورسەتىپ، ەستەلىك سىيلىقتار تارتۋ ەتتى.
قالا باسشىسى قۇتتىقتاۋىن تىل ارداگەرى بولىسبەك الىمبەكۇلىنىڭ شاڭىراعىنان باستادى. قاريامەن اڭگىمەلەسكەن مۇرات ايتەنوۆ اقساقالعا ۇزاق عۇمىر، مىقتى دەنساۋلىق تىلەدى.
ارداگەر «1941-1945 جىلدارداعى ۇلى وتان سوعىسىنداعى جەڭىسكە - 70, 75 جىل» مەرەكەلىك مەدالدارىمەن، «وڭتۇستىك قازاقستان وبلىسىنا سىڭىرگەن ەڭبەگى ءۇشىن» جانە «الەمنىڭ مەيىرىمدى ادامى» توسبەلگىلەرىمەن ماراپاتتالعان.
قۇتتىقتاۋ لەگى شىمكەنت قالاسىنىڭ قۇرمەتتى ازاماتى، قر ءبىلىم بەرۋ ءىسىنىڭ ۇزدىگى كلارا ءالىپوۆانىڭ وتباسىندا جالعاستى. ەڭبەك ارداگەرىن مەرەيلى مەرەكەمەن قۇتتىقتاي كەلگەن قالا باسشىسى كلارا تولەندىقىزىنا زور دەنساۋلىق، ۇزاق ءومىر، وتباسىنا باق پەن بەرەكە تىلەدى.
ءالىپوۆا كلارا تولەندىقىزى - 1937 جىلى 3 ماۋسىمدا الماتى قالاسىندا قىزمەتكەردىڭ وتباسىندا دۇنيەگە كەلگەن. «باۋىرمال» سىيلىعىنىڭ يەگەرى، وقو قۇرمەتتى ازاماتى، قازاقستان رەسپۋبليكاسىنا ايرىقشا ەڭبەگى ءۇشىن زەينەتاقىسىنا يە دەربەس زەينەتكەر.
ءوز كەزەگىندە قازىنالى قارتتار دا ريزاشىلىقتارىن جەتكىزىپ، بارشاعا بەيبىت تە بەرەكەلى ءومىر تىلەدى.
شىمكەنت قالاسى اكىمدىگىنىڭ ءباسپاسوز قىزمەتى
