Murat Áıtenov ardagerlerdi qarttar kúnimen quttyqtady

1846
Adyrna.kz Telegram

Búgin 1 qazan - Halyqaralyq qarttar kúni. Osyǵan oraı Shymkent qalasynyń ákimi Murat Áıtenov qalalyq ardagerler keńesiniń tóraǵasy Kenjehan Tólebaevpen birge ardagerlerdiń shańyraǵyna arnaıy baryp, olardy merekemen quttyqtady.

Bar ǵumyryn qajyrly eńbek pen eliniń ósip-órkendeýine arnaǵan qarttarǵa qurmet kórsetip, estelik syılyqtar tartý etti.

Qala basshysy quttyqtaýyn tyl ardageri Bolysbek Álimbekulynyń shańyraǵynan bastady. Qarııamen áńgimelesken Murat Áıtenov aqsaqalǵa uzaq ǵumyr, myqty densaýlyq tiledi.

Ardager «1941-1945 jyldardaǵy Uly Otan soǵysyndaǵy Jeńiske - 70, 75 jyl» merekelik medaldarymen, «Ońtústik Qazaqstan oblysyna sińirgen eńbegi úshin» jáne «Álemniń meıirimdi adamy» tósbelgilerimen marapattalǵan.

Quttyqtaý legi Shymkent qalasynyń qurmetti azamaty, QR Bilim berý isiniń úzdigi Klara Álipovanyń otbasynda jalǵasty. Eńbek ardagerin mereıli merekemen quttyqtaı kelgen qala basshysy Klara Tólendiqyzyna zor densaýlyq, uzaq ómir, otbasyna baq pen bereke tiledi.

Álipova Klara Tólendiqyzy - 1937 jyly 3 maýsymda Almaty qalasynda qyzmetkerdiń otbasynda dúnıege kelgen. «Baýyrmal» syılyǵynyń ıegeri, OQO Qurmetti azamaty, Qazaqstan Respýblıkasyna aıryqsha eńbegi úshin zeınetaqysyna ıe derbes zeınetker.

Óz kezeginde qazynaly qarttar da rızashylyqtaryn jetkizip, barshaǵa beıbit te berekeli ómir tiledi.

Shymkent qalasy ákimdiginiń baspasóz qyzmeti

Pikirler