«ەرىكتىلەر» كۇنىنە وراي «Nur Otan» پارتياسىنىڭ «كەدەرگىسىز كەلەشەك» جانە ەل تاۋەلسىزدىگىنىڭ 30 جىلدىعىنا ارنالعان «30 يگى ءىس» جوباسى اياسىندا «موبيل پليۋس كومەك» قايىرىمدىلىق قورىنىڭ ۇيىمداستىرۋىمەن «ەرىكتى بولۋ – ەرلىك!» اتتى ءىس-شاراسى ءوتتى.
شاراعا شىمكەنت قالاسى اكىمىنىڭ ءبىرىنشى ورىنباسارى ش.مۇقان، ءماسليحات حاتشىسى ب.نارىمبەتوۆ، «Nur Otan» پارتياسى شىمكەنت قالالىق فيليالى توراعاسىنىڭ ورىنباسارى ب.تۋلەگەنوۆ جانە ءماسليحات دەپۋتاتتارى ن.بۇقارباي، ل.سۋلايمانوۆ قاتىستى.
ەرىكتىلەر – ۇلكەندى-كىشىلى كومەكتىڭ سان تۇرلەرىن بارشا جۇرتشىلىقتىڭ يگىلىگى ءۇشىن اقشالاي سىياقىسىن ەسەپتەۋسىز، قايتارىمسىز، ەرىكتى تۇردە جۇزەگە اسىرىپ، مۇقتاج جاندارعا كومەك قولىن سوزۋشىلار. جانە وزگەلەردىڭ يگىلىگى جولىندا سانالى دا رياسىز ەڭبەك ەتكەن كەز-كەلگەن ادام ەرىكتى بولىپ تابىلادى.
ەرىكتى توپتاردىڭ اتقارار قىزمەتتەرى دە سان الۋان. ايتالىق، قالاۋلارىنا قاراي ەكولوگيالىق قوزعالىستار، اعاشتار مەن گۇلدەردى وتىرعىزۋ، حالىقتىڭ قاۋقارسىز توبى: جالعىزباستى قارتتار، مۇمكىندىگى شەكتەۋلى جاندار مەن ءۇيسىز وتباسىلارعا قارجىلاي كومەكتەر، ءىرى قالالىق، حالىقارالىق ءىس-شارالار مەن فەستيۆالداردى ۇيىمداستىرۋعا اتسالىسۋ ەرىكتى توپتار قۇزىرىندا. جۇرەكتەرى يمانمەن نۇرلانعان، جاندارى جاقسىلىققا قۇمار جاناشىرلاردىڭ يگى قىزمەتتەرى ەل تاريحىندا قالاتىنى انىق.
2020 جىلدىڭ «ەرىكتىلەر جىلى» بولىپ بەكىتىلۋى ەلىمىزدەگى 200-دەن استام ەرىكتىلەر ۇيىمى مەن 50 مىڭنان استام بەلسەندى ەرىكتىلەرىمىزدىڭ يگى ىستەرىنە شابىت سىيلادى. Mobil Plus-تەگى ەرىكتىلەر قوزعالىسى 2015 جىلى باستالىپ، وسى ۋاقىت ارالىعىندا مۇقتاج جاندارعا بەلسەندى تۇردە كومەك كورسەتىپ كەلەدى.
كوپ بالالى انالارعا، زەينەتكەرلەرگە، مۇمكىندىگى شەكتەۋلى بالالاردى تاربيەلەپ وتىرعان وتباسىلارعا جالپى سوماسى 100 ميلليون تەڭگەدەن استام ماتەريالدىق قولداۋ كورسەتتى. قارقىندى ءارى ناتيجەلى جۇمىستىڭ ارقاسىندا «موبيل پليۋس كومەك» قايىرىمدىلىق قورى قۇرىلىپ، قىسقا مەرزىم ىشىندە «بالالىق شاق اللەياسى»، «مەكەتەپكە جول»، «الەم بالالار كوزىمەن» سىندى اكتسيالارمەن قورىمىز كوپشىلىككە تانىلا باستادى.
ءىس-شارانى ۇيىمداستىرۋشى ءماسليحات دەپۋتاتى، «Nur Otan» پارتياسى فراكتسياسىنىڭ مۇشەسى، «موبيل پليۋس كومەك» قايىرىمدىلىق قورىنىڭ پرەزيدەنتى كەرىمباەۆا نارگيزا ابايدۋللاقىزى ەرىكتى جاستاردى جانە كوپ بالالى انالاردى ماراپاتتاپ، سىيلىقتار تابىستادى.
- «بيىل العاش رەت ۇيىمداستىرىلىپ وتىرعان ءىس-شارادا ۇزدىك ۆولونتەرلاردى قاجىرلى ەڭبەگى ءۇشىن ماراپاتتادىق. جاستار اراسىندا دۇرىس قۇندىلىقتاردى ناسيحاتتاپ، وزگەلەرگە قامقورلىق جانە مەيىرىمدىلىك كورسەتۋ ماقساتىندا وسىنداي ءىس-شارانى جىل سايىن وتكىزۋدى جوسپارلاپ وتىرمىز. جاستار بەلسەندى ۆولونتەر بولۋعا لايىقتى ەكەنىن ءبىلۋ كەرەك.
ال ءبىز ولاردى ءاردايىم قولداۋعا دايىنبىز»، - دەدى ن.كەرىمباەۆا.
