«Eriktiler» kúnine oraı «Nur Otan» partııasynyń «Kedergisiz keleshek» jáne el Táýelsizdiginiń 30 jyldyǵyna arnalǵan «30 ıgi is» jobasy aıasynda «Mobıl plıýs Kómek» qaıyrymdylyq qorynyń uıymdastyrýymen «Erikti bolý – erlik!» atty is-sharasy ótti.
Sharaǵa Shymkent qalasy ákiminiń birinshi orynbasary Sh.Muqan, máslıhat hatshysy B.Narymbetov, «Nur Otan» partııasy Shymkent qalalyq fılıaly tóraǵasynyń orynbasary B.Týlegenov jáne máslıhat depýtattary N.Buqarbaı, L.Sýlaımanov qatysty.
Eriktiler – úlkendi-kishili kómektiń san túrlerin barsha jurtshylyqtyń ıgiligi úshin aqshalaı syıaqysyn esepteýsiz, qaıtarymsyz, erikti túrde júzege asyryp, muqtaj jandarǵa kómek qolyn sozýshylar. Jáne ózgelerdiń ıgiligi jolynda sanaly da rııasyz eńbek etken kez-kelgen adam erikti bolyp tabylady.
Erikti toptardyń atqarar qyzmetteri de san alýan. Aıtalyq, qalaýlaryna qaraı ekologııalyq qozǵalystar, aǵashtar men gúlderdi otyrǵyzý, halyqtyń qaýqarsyz toby: jalǵyzbasty qarttar, múmkindigi shekteýli jandar men úısiz otbasylarǵa qarjylaı kómekter, iri qalalyq, halyqaralyq is-sharalar men festıvaldardy uıymdastyrýǵa atsalysý erikti toptar quzyrynda. Júrekteri ımanmen nurlanǵan, jandary jaqsylyqqa qumar janashyrlardyń ıgi qyzmetteri el tarıhynda qalatyny anyq.
2020 jyldyń «Eriktiler jyly» bolyp bekitilýi elimizdegi 200-den astam eriktiler uıymy men 50 myńnan astam belsendi eriktilerimizdiń ıgi isterine shabyt syılady. Mobil Plus-tegi eriktiler qozǵalysy 2015 jyly bastalyp, osy ýaqyt aralyǵynda muqtaj jandarǵa belsendi túrde kómek kórsetip keledi.
Kóp balaly analarǵa, zeınetkerlerge, múmkindigi shekteýli balalardy tárbıelep otyrǵan otbasylarǵa jalpy somasy 100 mıllıon teńgeden astam materıaldyq qoldaý kórsetti. Qarqyndy ári nátıjeli jumystyń arqasynda «Mobıl plıýs Kómek» qaıyrymdylyq qory qurylyp, qysqa merzim ishinde «Balalyq shaq alleıasy», «Meketepke jol», «Álem balalar kózimen» syndy akııalarmen qorymyz kópshilikke tanyla bastady.
Is-sharany uıymdastyrýshy máslıhat depýtaty, «Nur Otan» partııasy frakııasynyń múshesi, «Mobıl plıýs Kómek» qaıyrymdylyq qorynyń prezıdenti Kerimbaeva Nargıza Abaıdýllaqyzy erikti jastardy jáne kóp balaly analardy marapattap, syılyqtar tabystady.
- «Bıyl alǵash ret uıymdastyrylyp otyrǵan is-sharada úzdik volonterlardy qajyrly eńbegi úshin marapattadyq. Jastar arasynda durys qundylyqtardy nasıhattap, ózgelerge qamqorlyq jáne meıirimdilik kórsetý maqsatynda osyndaı is-sharany jyl saıyn ótkizýdi josparlap otyrmyz. Jastar belsendi volonter bolýǵa laıyqty ekenin bilý kerek.
Al biz olardy árdaıym qoldaýǵa daıynbyz», - dedi N.Kerimbaeva.
