276 ورام تۇرعىندارى اۋىز سۋمەن قامتىلدى

1922
Adyrna.kz Telegram

مەملەكەت باسشىسىنىڭ جولداۋىندا وڭىرلەردى دامىتۋدىڭ ۇلتتىق جوباسى اياسىندا بەس جىل ىشىندە حالىقتى 100 پايىز تازا اۋىز سۋمەن قامتاماسىز ەتۋدى تاپسىرعان بولاتىن. بۇل كورسەتكىشكە قول جەتكىزۋ ماقساتىندا شىمكەنت قالاسىندا اۋقىمدى جۇمىستار اتقارىلىپ وتىر.

اتاپ ايتقاندا بيىل قالاداعى ەلدى مەكەندەرگە اۋىز سۋ تارتۋ ءۇشىن 14 نىساننىڭ قۇرىلىسى جۇرگىزىلدى. بۇگىندە بىرقاتار ەلدىمەكەندە جۇمىس اياقتالىپ، تۇرعىندار تىرشىلىك نارىنە قول جەتكىزدى.

سونداي ەلدىمەكەندەردىڭ ءبىرى - ساۋلە شاعىناۋدانىنىڭ جاڭاقۇرىلىس اۋماعىندا ورنالاسقان 276 ورام.

بۇگىنگە دەيىن سۋدى كەستەمەن پايدالانىپ كەلگەن تۇرعىنداردىڭ ماسەلەسى تۇبەگەيلى شەشىمىن تاپتى. ونداعى 1 228 ابونەنت ۇزدىكسىز مەملەكەتتىك جۇيەدەگى سۋدى تۇتىناتىن بولدى.

مەردىگەر مەكەمە «اگات» تاراپىنان قۇرىلىس 2021 جىلدىڭ ماۋسىم ايىندا باستالعان بولاتىن. قازىرگى تاڭدا 54,9 شاقىرىم سۋ قۇبىرى تارتىلدى.

جۋىردا اسار-2, اقتاس، جاڭاتالاپ، ىنتىماق-2 جانە تۇران شاعىناۋداندارىندا دا اۋىز سۋ ماسەلەسى شەشىمىن تاپتى.

جىل سوڭىنا دەيىن قالا تۇرعىندارىن سۋمەن قامتۋ كورسەتكىشى 98 پايىزعا جەتپەك.

شىمكەنت قالاسى اكىمدىگىنىڭ ءباسپاسوز قىزمەتى

پىكىرلەر