Memleket basshysynyń Joldaýynda óńirlerdi damytýdyń ulttyq jobasy aıasynda bes jyl ishinde halyqty 100 paıyz taza aýyz sýmen qamtamasyz etýdi tapsyrǵan bolatyn. Bul kórsetkishke qol jetkizý maqsatynda Shymkent qalasynda aýqymdy jumystar atqarylyp otyr.
Atap aıtqanda bıyl qaladaǵy eldi mekenderge aýyz sý tartý úshin 14 nysannyń qurylysy júrgizildi. Búginde birqatar eldimekende jumys aıaqtalyp, turǵyndar tirshilik nárine qol jetkizdi.
Sondaı eldimekenderdiń biri - Saýle shaǵynaýdanynyń jańaqurylys aýmaǵynda ornalasqan 276 oram.
Búginge deıin sýdy kestemen paıdalanyp kelgen turǵyndardyń máselesi túbegeıli sheshimin tapty. Ondaǵy 1 228 abonent úzdiksiz memlekettik júıedegi sýdy tutynatyn boldy.
Merdiger mekeme «AGAT» tarapynan qurylys 2021 jyldyń maýsym aıynda bastalǵan bolatyn. Qazirgi tańda 54,9 shaqyrym sý qubyry tartyldy.
Jýyrda Asar-2, Aqtas, Jańatalap, Yntymaq-2 jáne Turan shaǵynaýdandarynda da aýyz sý máselesi sheshimin tapty.
Jyl sońyna deıin qala turǵyndaryn sýmen qamtý kórsetkishi 98 paıyzǵa jetpek.
Shymkent qalasy ákimdiginiń baspasóz qyzmeti
