شىمكەنتتە 1 جەلتوقسان – قازاقستان رەسپۋبليكاسىنىڭ تۇڭعىش پرەزيدەنتى كۇنىنە وراي «تاۋەلسىزدىك تاريحى – ۇلت كوشباسشىسى، سارابدال ساياساتكەر» كونفەرەنتسياسى ءوتتى. مۇحتار اۋەزوۆ اتىنداعى وڭتۇستىك قازاقستان ۋنيۆەرسيتەتىندە وتكەن جيىن شىمكەنت قالاسىنىڭ ىشكى ساياسات جانە جاستار ىستەرى جونىندەگى باسقارماسىنىڭ ۇيىمداستىرۋىمەن ءوتتى.
مۇنداعى ماقسات – قازاقستان رەسپۋبليكاسىنىڭ تۇڭعىش پرەزيدەنتى، ەلباسى ن.ءا.نازارباەۆتىڭ تاۋەلسىزدىك جىلدارىنداعى قازاقستاننىڭ جەتكەن جەتىستىكتەرى، رۋحاني جاڭعىرۋى مەن دامۋى جولىنداعى ەڭبەگىن اتاپ ءوتۋ، ەلىمىزدىڭ جەتىستىك تاريحىنىڭ ماڭىزىن ارتتىرۋ، جاڭا تولقىن جاستاردىڭ ەل قۇندىلىقتارىنا، ەلباسىنىڭ ەڭبەگىنە دەگەن قۇرمەتىن ارتتىرۋ.
كونفەرەنتسياعا م.اۋەزوۆ اتىنداعى وڭتۇستىك قازاقستان ۋنيۆەرسيتەتىنىڭ ءبىرىنشى پرورەكتورى نۇرمانبەتوۆ قايرات ەڭبەكشىۇلى، شىمكەنت قالالىق ىشكى ساياسات جانە جاستار ىستەرى جونىندەگى باسقارمانىڭ قوعامدىق ساياسي احۋال جانە ۇكىمەتتىك ەمەس ۇيىمدارمەن جۇمىس ءبولىمىنىڭ باسشىسى ءابىلحايىروۆ سەرعازى كارىمۇلى، تاريح عىلىمدارىنىڭ كانديداتى، دوتسەنت اليەۆ وتكىر اليۇلى، Nur Otan پارتياسىنىڭ شىمكەنت قالالىق فيليالى Jas Otan جاستار قاناتىنىڭ توراعاسى يساحوۆ ماعجان شىڭعىسۇلى، بوكستان الەم چەمپيوناتىنىڭ كۇمىس جۇلدەگەرى سابىرحان ماحمۋد، گۋمانيتارلىق عىلىمدار ماگيسترى، جاس عالىم يسابەك ءازىمحان، م.اۋەزوۆ اتىنداعى وقۋ-ءدىڭ ستۋدەنتتىك ءوزىن-ءوزى باسقارۋ بويىنشا ستۋدەنتتىك پارلامەنتىنىڭ توراعاسى سادىباي ايتورە ەرمەكۇلى جانە ۋنيۆەرسيت، جوم تاربيە ءىسى جونىندەگى ديرەكتورىنىڭ ورىنباسارلارى، وقىتۋشىلار، پروفەسسورلار مەن بەلسەندى جاستار، جالپى سانى 250 تىڭداۋشى قاتىستى.
كونفەرەنتسيا بارىسىندا سپيكەرلەر «ەلباسى – تاۋەلسىزدىك سيمۆولى»، «تاۋەلسىزدىك – رۋحاني جاڭعىرۋ كەپىلى»، «سارابدال ساياساتكەر جولىمەن» جانە ت.ب. تاقىرىپتاردا باياندامالار وقىدى، جاستاردىڭ ويلارى تىڭدالدى. كونفەرەنتسيا سوڭى ەركىن پىكىر الماسۋعا ۇلاستى.
