Shymkentte 1 jeltoqsan – Qazaqstan Respýblıkasynyń Tuńǵysh Prezıdenti kúnine oraı «Táýelsizdik tarıhy – Ult kóshbasshysy, sarabdal saıasatker» konferenııasy ótti. Muhtar Áýezov atyndaǵy Ońtústik Qazaqstan ýnıversıtetinde ótken jıyn Shymkent qalasynyń ishki saıasat jáne jastar isteri jónindegi basqarmasynyń uıymdastyrýymen ótti.
Mundaǵy maqsat – Qazaqstan Respýblıkasynyń Tuńǵysh Prezıdenti, Elbasy N.Á.Nazarbaevtyń Táýelsizdik jyldaryndaǵy Qazaqstannyń jetken jetistikteri, rýhanı jańǵyrýy men damýy jolyndaǵy eńbegin atap ótý, elimizdiń jetistik tarıhynyń mańyzyn arttyrý, jańa tolqyn jastardyń el qundylyqtaryna, Elbasynyń eńbegine degen qurmetin arttyrý.
Konferenııaǵa M.Áýezov atyndaǵy Ońtústik Qazaqstan ýnıversıtetiniń birinshi prorektory Nurmanbetov Qaırat Eńbekshiuly, Shymkent qalalyq ishki saıasat jáne jastar isteri jónindegi basqarmanyń qoǵamdyq saıası ahýal jáne úkimettik emes uıymdarmen jumys bóliminiń basshysy Ábilhaıyrov Serǵazy Kárimuly, tarıh ǵylymdarynyń kandıdaty, doent Alıev Ótkir Alıuly, Nur Otan partııasynyń Shymkent qalalyq fılıaly Jas Otan jastar qanatynyń tóraǵasy Isahov Maǵjan Shyńǵysuly, bokstan Álem chempıonatynyń kúmis júldegeri Sabyrhan Mahmýd, gýmanıtarlyq ǵylymdar magıstri, jas ǵalym Isabek Ázimhan, M.Áýezov atyndaǵy OQÝ-diń stýdenttik ózin-ózi basqarý boıynsha stýdenttik parlamentiniń tóraǵasy Sadybaı Aıtóre Ermekuly jáne ýnıversıt, JOM tárbıe isi jónindegi dırektorynyń orynbasarlary, oqytýshylar, professorlar men belsendi jastar, jalpy sany 250 tyńdaýshy qatysty.
Konferenııa barysynda spıkerler «Elbasy – Táýelsizdik sımvoly», «Táýelsizdik – rýhanı jańǵyrý kepili», «Sarabdal saıasatker jolymen» jáne t.b. taqyryptarda baıandamalar oqydy, jastardyń oılary tyńdaldy. Konferenııa sońy erkin pikir almasýǵa ulasty.
