شىمكەنتتە «قازاقستان حالقى اسسامبلەياسى» عيماراتىندا ۇلتتىق مادەني ورتالىقتار كۇنى اتالىپ ءوتتى.
بۇل تاۋەلسىزدىكتىڭ 30 جىلدىق مەرەيتويىنا ارنالعان «30 جىلدىققا – 30 جۇلدىزدى كۇن» اتتى ءىس-شارالار شەرۋى اياسىندا وتۋدە.
ءبىر ايلىق اكتسيا اياسىندا «تۇعىرلى تاۋەلسىزدىك» اتتى ءىس-شاراعا قاتىسقان قالا اكىمىنىڭ ءبىرىنشى ورىنباسارى شىڭعىس مۇقان ورتالىقتا جاڭادان جاساقتالعان ەتنو مۇراجايدى ارالاپ، «بەيبىتشىلىك پەن كەلىسىم جولىمەن» تەلەۆيزيالىق جوباسى ءفيلمىن تاماشالادى.
تەلەۆيزيالىق جوبانىڭ باستى ماقساتى – قازاقستان رەسپۋبليكاسىنىڭ تۇڭعىش پرەزيدەنتى – ەلباسى ن.ءا.نازارباەۆتىڭ ۇلتتىق ەگەمەندىك پەن تاۋەلسىزدىكتى نىعايتۋداعى، بەيبىتشىلىك پەن كەلىسىم ساياساتىنىڭ قۇندىلىقتارىن شوعىرلاندىرۋداعى ءرولىن كورسەتۋ.
القالى جيىندا ءسوز العان شىڭعىس جۇمابەكۇلى قازاقستان حالقى اسسامبلەياسىنىڭ ءمان-ماڭىزىنا، ەل بىرلىگىنىڭ ىنتىماقتىعىنا توقتالىپ، مەملەكەتتىڭ بولاشاعى، ەلىمىزدىڭ ءوسىپ-وركەندەۋىنىڭ ءتۇپ قازىعى تاتۋ-ءتاتتى تىرشىلىكتە ەكەنىن جەتكىزدى.
– ەلىمىز تاۋەلسىزدىگىن العان تۇستا الپاۋىت ەلدەردىڭ ساياساتكەرلەرى مەن حالىقارالىق ساراپشىلار كوپۇلتتى ەلىمىزدىڭ بولاشاعىنا كۇمانمەن قارادى. ءتۇرلى پەسسيميستتىك بولجامدارىن ايتتى. دەگەنمەن ءبارىمىز ءبىر تۋدىڭ استىنا بىرىگىپ، سول ومىرشەڭ ەمەس بولجام ەكەنىن دالەلدەي الدىق. ەلباسىنىڭ سارابدال ساياساتىن كوپتەگەن ەل ۇلگى ەتىپ الدى. ءبىز سول باسقا قونعان باعىمىزدى باعالاي ءبىلۋىمىز كەرەك، - دەدى ش. مۇقان.
جيىندى شىمكەنت قالاسىنىڭ ىشكى ساياسات جانە جاستار ىستەرى جونىندەگى باسقارماسى باسشىسىنىڭ مىندەتىن اتقارۋشى م.شوتانوۆ جۇرگىزدى. ءىس-شاراعا ەتنومادەني بىرلەستىكتەردىڭ توراعالارى مەن وكىلدەرى، قحا جانىنداعى قوعامدىق قۇرىلىمداردىڭ (قوعامدىق كەلىسىم، انالار كەڭەستەرى، مەدياتسيا كەڭەسى، «جاڭعىرۋ جولى» جاستار قوزعالىسى، عىلىمي-ساراپشىلىق توپ) جەتەكشىلەرى مەن قوعامدىق كەلىسىم» كمم-ءنىڭ قىزمەتكەرلەرى قاتىستى.
ال «XIII legion» سالاۋاتتى ءومىر سالتىن قالىپتاستىرۋ ورتالىعىنىڭ جەتەكشىسى، ۆولونتەر تيمۋر شايدۋللين، قالالىق سلاۆيان ەتنومادەني بىرلەستىگىنىڭ مۇشەسى، «جۋسان» بانكىنىڭ ءبولىم باسشىسى يۋليا دروبيازكو، تاتار-باشقۇرت ەتنومادەني بىرلەستىگىنىڭ ءتورايىمى اسيا مۇحامەدوۆا، قالالىق قازاقستان حالقى اسسامبلەياسى جانىنداعى مەدياتسيا كەڭەسىنىڭ ءتورايىمى لاۋرا اقشەگىروۆا جانە پاۋەرليفتينگ بويىنشا 7 دۇركىن الەم چەمپيونى كسەنيا حان قاستەرلى تاۋەلسىزدىگىمىز تۋرالى تۇشىمدى ويلارىن ورتاعا سالدى.
ازامات جاپپار،
فوتو – سەرىك قوساەۆ.
