«شاڭىراق» باعدارلاماسى بويىنشا ازاماتتارعا پاتەر كىلتتەرى تابىستالدى

1644
Adyrna.kz Telegram

شىمكەنت قالاسىندا «شاڭىراق» جەڭىلدەتىلگەن نەسيەلىك باعدارلاماسىمەن كەزەكتە تۇرعان 483 ازامات باسپانالى بولدى.

قازاقستان رەسپۋبليكاسى تاۋەلسىزدىگىنىڭ 30 جىلدىعىنا جانە تۇڭعىش پرەزيدەنت كۇنىنە وراي ينفراقۇرىلىمدىق جانە كوممۋنالدىق قىزمەتتەرى ىسكە قوسىلعان تۇران شاعىن اۋدانىنداعى 483 پاتەرلى 10 تۇرعىن ءۇيدى بۇگىن شىمكەنت قالاسى اكىمىنىڭ ورىنباسارى م.ايمانبەتوۆ پاتەر يەلەرىنە تابىستادى.

بۇگىنگى تاڭدا قالادا بيۋدجەت ەسەبىنەن 88 ءۇيدىڭ قۇرىلىسى جۇرگىزىلسە، ونىڭ ىشىندە “شاڭىراق” باعدارلاماسىنىڭ قاتىسۋشالىرىنا 27 تۇرعىن ءۇي (1728) بويىنشا ازاماتتاردى قونىستاندىرۋ جۇمىستارى كەزەڭ-كەزەڭىمەن جۇزەگە اسىرىلۋدا.

ەلىمىزىدە باسپانامەن قامتۋ كورسەتكىشى سوڭعى جىلدارى ايتارلىقتاي ءوسىپ، بۇگىندە قۇرىلىس سالۋدىڭ جاڭا ادىستەرىن، زاماناۋي ماتەريالداردى، سونداي-اق عيماراتتاردىڭ جوباسى مەن قالا قۇرىلىسىنىڭ جوسپارىن جاساعاندا ءتيىمدى تاسىلدەردى قولدانۋ بويىنشا اۋقىمدى جۇمىستار جاسالىپ كەلەدى.

قازىرگى ۋاقىتتا قالادا سالىناتىن جانە سالىنعان ۇيلەردىڭ ساپاسى، ەكولوگيالىق تازالىعى، ەنەرگيالىق تيىمدىلىگى مەن ينفراقۇرىلىمدىق نىسانداردى ينتەللەكتۋالدى باسقارۋ جۇيەلەرىمەن جابدىقتالۋى باستى نازاردا.

شىمكەنت قالاسى رەسپۋبليكا بويىنشا تۇرعىن ءۇي قۇرىلىسى وتە قارقىندى ءجۇرىپ جاتقان ايماقتاردىڭ قاتارىندا ەكەنىن جانە تۇرعىنداردىڭ ءومىر ءسۇرۋ جاعدايلارىن جاقسارتۋ مەن تۇرعىن ءۇي يپوتەكاسىنىڭ قولجەتىمدىلىگىن ارتتىرۋعا مۇمكىندىك بەرگەن يپوتەكالىق نەسيەلەندىرۋدىڭ جاڭا باعدارلاماسى بۇگىندە وڭ ناتيجە كورسەتىپ وتىر.

2020 جىلى قالامىزدا 649,1 شارشى مەترگە باسپانا سالىنعان، وسى جىلى بۇل كورسەتكىشتى 1 ملن. شارشى مەترگە جەتكىزۋ كوزدەلىپ وتىرعانىن جەتكىزگەن قالا اكىمىنىڭ ورىنباسارى م.ايمانبەتوۆ تاۋەلسىزدىكتىڭ 30 جىلدا جەتكەن مەرەيىن تاسىتىپ ابىرويىن اسقاقتاتاتىن ۇلكەن بەلەستى جەڭىس ەكەنىن اتاپ ءوتتى.

پىكىرلەر