الاش ارىستارى جايلى كوپكە بەيمالىم دەرەكتەر! ۇلت ءۇشىن قۇربان بولعان ۇلى تۇلعالار تۋرالى «TAR ZAMAN» تەلەۆيزيالىق جوباسىنىڭ قىسقارتىلعان نۇسقاسى بۇگىن ۇلكەن ەكرانعا شىعادى. تۋىندىدا 20-ىنشى عاسىردىڭ باسىنداعى قازاق زيالىلارىنىڭ تار جول، تايعاق كەشۋى كورىنىس تاپقان. تەك ماعىناسى تەرەڭ ءارى قۇندى ءفيلمدى ەلىمىزدىڭ كەي وڭىرلەرى قاجەتسىنەر ەمەس. ياعني، اقتوبە، اتىراۋ، قوستاناي جانە پاۆلودارداعى كينوتەاترلار ونى كورسەتۋدەن باس تارتقان. بۇل جايىندا كتك تەلەارناسىندا ايتىلدى.
تەلەارنانىڭ ايتۋىنشا، كارتينانىڭ تەلەۆيزيالىق نۇسقاسى 12 بولىمنەن تۇرادى. ال، ۇلكەن ەكرانعا ىقشامدالعان ءتۇرى شىقپاق. بىراق، حالقى ءۇشىن قۇربان بولعان تۇلعالار تۋرالى كينو الدەن شەتتەتىلۋدە. ياعني، اقتوبە، اتىراۋ، قوستاناي جانە پاۆلودارداعى كينوتەاترلار ونى كورسەتۋدەن باس تارتقان. سوندىقتان، ءوز تۋىندىمىزدى مەنسىنبەگەندەرگە بۇكىل ءتۇسىرىلىم توبى وكپەلى. سونداي-اق، تەلەارنا ءفيلمنىڭ ديستريبيۋتورى دانيار ايسانىڭ دا ءسوزىن كەلتىرىپتى:
– بۇل قازاق كينوسى. قازاقتىڭ تاريحى. ونى ءار ادام كورۋى كەرەك. كينوتەاترلاردا امەريكانىڭ، ەۋروپانىڭ فيلمدەرى ەش كەدەرگىسىز كورسەتىلەدى. ال، ءوزىمىزدىڭ كينونى قابىلداماي جاتىر. نەگىزى «TAR ZAMAN-دى» اسىعا كۇتىپ جۇرگەن ادام كوپ.
"الاش ورداسى",
VK پاراقشاسىنان
