اتىراۋدا 28 جاستاعى جۇكتى ايەل كوپىردەن سەكىرىپ كەتتى (ۆيدەو)

2684
Adyrna.kz Telegram

اتىراۋدا جايىق وزەنىنىڭ ۇستىندەگى كوپىردەن سەكىرىپ كەتكەن 28 جاستاعى جۇكتى ايەلدى پوليتسەيلەر قۇتقارىپ قالدى، دەپ حابارلايدى "ادىرنا" ۇلتتىق پورتالى.

7 جەلتوقسان كۇنى تاڭعى ساعات 9.20 شاماسىندا اتىراۋ پوليتسەيلەرى بەينەباقىلاۋ كامەرالارىنان جاياۋ جۇرگىنشىلەر كوپىرىندە "كۇدىكتى" ايەل تۇرعانىن بايقاعان. بۇل اقپارات پاترۋلدىك پوليتسياعا بەرىلگەن.

- پاترۋلدىك پوليتسيا باتالونىنىڭ روتا كومانديرى، كاپيتان الماس زاكاريەۆ جاياۋ جۇرگىنشىلەر كوپىرىنە شىعىپ، كوپىردىڭ ارعى بەتىنەن سەكىرمەك بولعان قىزدى كورگەن. پوليتسيا قىزمەتكەرى ونى سۋيتسيد جاساۋ ويىنان اينىتۋعا تىرىسقانىمەن، قىز كوپىردەن سەكىرىپ كەتكەن", - دەلىنگەن حابارلامادا.

پوسموترەت ەتۋ پۋبليكاتسيۋ ۆ Instagram

پۋبليكاتسيا وت ZELLO_ATYRAU🔥 (@zello.atyrau.official)

وقيعا ورنىنا پوليتسيا لەيتەنانتى جانداربەك جاڭبىرباەۆ پەن پوليتسيا سەرجانتى ايبات دجاۋباەۆ كەلىپ، كوپىردەن سەكىرىپ كەتكەن قىزدى قۇتقارىپ العان.

ايتا كەتەيىك، 1993 جىلى تۋعان جۇكتى ايەل جەدەل جاردەممەن اۋرۋحاناعا جەتكىزىلىپ، تەرگەۋ امالدارى جۇرگىزىلىپ جاتىر.

"ادىرنا" ۇلتتىق پورتالى

پىكىرلەر