قر تاۋەلسىزدىگىنىڭ 30 جىلدىعىنا وراي ۇيىمداستىرىلعان “تاۋەلسىزدىك تۇعىرىم” اتتى تۋرىمىز ودان ءارى ءوز جالعاسىن تابۋدا. تۋرىمىزدىڭ كەلەسى كەزەكتى قاتىسۋشىلارى - م. جۇماباەۆ اتىنداعى №39 مەكتەپتىڭ 6-سىنىپ وقۋشىلارى.
تۋردىڭ مارشرۋتى بويىنشا وقۋشىلار مۋزەي ەكسپوزيتسياسىمەن تانىسا وتىرىپ، تاريحتان سىر شەرتەتىن “زۇلمات” ءفيلمىن تاماشالاپ، ساياسي قۋعىن-سۇرگىن قۇرباندارى وپات بولعان «قاسىرەت” مەموريالىنىڭ اشىلۋ تاريحى جايلى اقپارات الدى. سونىمەن قاتار، وقۋشىلارعا قالامىزدىڭ ەڭ بيىك سولتۇستىك نۇكتەسىندە ورنالاسقان بايدىبەك بي ەسكەرتكىشىنىڭ قۇرىلىسى مەن سيپاتتاماسى جايلى ماعلۇمات بەرىلدى. تۋرىمىزدىڭ سوڭعى مارشرۋتىنىڭ تاۋەلسىزدىك ساياباعىندا اياقتالۋى بەكەر ەمەس. سەبەبى تاۋەلسىزدىك – ەلىمىزدىڭ باعا جەتپەس بايلىعى، ەل ەركىندىگى. قازاقستان تاۋەلسىزدىكتىڭ بەسىگىندە تەربەلىپ جاتقانىنا 30 جىل. بۇل –قايتا جاڭعىرعان قازاق مەملەكەتتىگىنىڭ، اتا-بابالارىمىز اڭساعان ازاتتىقتىڭ تۇعىرى نىعايا تۇسكەنىن ايگىلەيتىن ماڭىزدى بەلەس. تاريح تۇرعىسىنان العاندا، وتىز جىل – كوزدى اشىپ جۇمعانداي قاس-قاعىم ءسات.
دەگەنمەن، بۇل كوپتەگەن حالىقتار ءۇشىن قيىندىعى مەن قۋانىشى، داعدارىسى مەن دامۋى الماسقان تۇتاس ءداۋىر دەۋگە بولادى.
