شىمكەنتتە وسى جىلدىڭ 3 قاراشاسىندا قالالىق ينفەكتسيالىق ورتالىعىنا 41 جاستاعى تۇرعىن جىبەك باتىروۆا اۋىر جاعدايدا تۇسكەن بولاتىن. دارىگەرلەر ناۋقاستى بىردەن جانساقتاۋ بولىمىنە جاتقىزىپ، تەكسەرۋ جۇمىستارىن جۇرگىزگەن.
كومپيۋتەرلىك توموگرافيا ناۋقاس وكپەسىنىڭ 80-% زاقىمدالعانىن كورسەتكەن. بۇعان قوسا ناۋقاستا ءىى-دارەجەلى تىنىس جەتىسپەۋشىلىگى بولىپتى.
ينفەكتسيالىق اۋرۋحاناعا جەتكىزىلگەنگە 6 كۇن سىرقاتتانعان. ءۇش كۇن «مەيىرىم» كلينيكاسىندا ەم الىپ، دەنساۋلىعىنىڭ دۇرىستالماۋىنا بايلانىستى شىمكەنت قالالىق جۇقپالى اۋرۋلار ورتالىعىنا جەدەل جاردەم قىزمەتى ارقىلى اۋىستىرىلعان.
«ناۋقاستىڭ تۇسكەن كەزدەگى جاعدايى وتە اۋىر بولدى. وكپەسىنىڭ 80-پايىزى زاقىمدالعان. ونىمەن قوسا تىنىس الۋ جەتىسپەۋشىلىگى دە بولدى. اۋىرعانىنا 1-اپتاداي بولعان. ونىڭ سوڭعى 3-كۇنىندە مەيىرىم كلينيكاسىندا ەم العان. ناۋقاستى بىرنەشە دارىگەر بولىپ قارادىق. ەمدەۋ حاتتاماسى بويىنشا تولىق ەم الدى. سونىڭ ارقاسىندا جاعدايى دۇرىستالىپ، ومىرىنە ەشقانداي قاۋىپ ءتونىپ تۇرعان جوق» –دەيدى جۇقپالى اۋرۋلار ورتالىعىنىڭ جاۋاپتى دارىگەرى بەكەن سىربەكۇلى.
ناۋقاستىڭ قازىرگى جاعدايى جاقسى. دەنساۋلىعى جاقسارعان ناۋقاستى دارىگەرلەر ۇيىنە بۇگىن ۇيىنە شىعاردى.
شىمكەنت قالاسى اكىمدىگىنىڭ ءباسپاسوز قىزمەتى
