«جۇلدىزدى 30 كۇن» اياسىندا وتباسى قۇندىلىقتارى دارىپتەلدى

2394
Adyrna.kz Telegram

قالالىق جۇمىسپەن قامتۋ جانە الەۋمەتتىك قورعاۋ باسقارماسىنا قاراستى «SHANYRAQ» ورتالىعىندا ەل تاۋەلسىزدىگىنىڭ 30 جىلدىعىن مەرەكەلەۋگە ارنالعان «جۇلدىزدى 30 كۇن» اتتى ءىس-شارا جوسپارى اياسىندا دوڭگەلەك ۇستەل ءوتتى. ءىس-شارا ءاربىر جاننىڭ ەڭ ماڭىزدى ءبىر بولىگى «وتباسى قۇدىلىقتارى» جايىندا بولدى.

اتالعان ءىس-شاراعا جۇمىسپەن قامتۋ جانە الەۋمەتتىك قورعاۋ باسقارما باسشىسى ب.ناربەكوۆا، كامەلەتكە تولماعاندار ىستەرى جونىندەگى سوت توراعاسى د.سايحانوۆ، اكەلەر كەڭەسىنىڭ توراعاسى ە.وتارباەۆ، ادىلەت دەپارتامەنتى باسشىسىنىڭ ورىنباسارى ا.يسابەكوۆا، قر اسسامبلەياسىنىڭ رەسپۋبليكالىق انالار كەڭەسى مۇشەسى ل.قويشيەۆا جانە ت.ب. قاتىستى. دوڭگەلەك ۇستەلدە جاھاندىق وزگەرىستەر زامانىندا وتباسى قۇندىلىقتارىن ساقتاپ قالۋ، ونىڭ جاستار ساناسىنداعى بەدەلىن ارتتىرۋ ماسەلەلەرى ايتىلدى.

جالپى، باسقارماعا قاراستى «Shanyraq» وتباسى ينستيتۋتىن قولداۋ ورتالىعى قالاداعى از قامتىلعان 10 مىڭنان استام وتباسى مۇشەلەرىنە قولداۋ كورسەتكەن. قىزمەت الۋشىلارعا 10 باعىت بويىنشا جۇمىس جۇرگىزىلەدى.

اتاپ ايتقاندا، از قامتىلعان وتباسىلاردىڭ ماسەلەلەرى بويىنشا تىكەلەي جۇمىس جۇرگىزۋ، پسيحولوگيالىق قولداۋ كورسەتۋ، قۇقىقتىق كومەك كورسەتۋ، مەدياتسيامەن، ۇكىمەتتىك ەمەس ۇيىمدارمەن بىرلەسكەن جۇمىس، ءوز كاسىبىن يگەرۋگە ىقپال ەتۋ، بالالارعا پسيحولوگيالىق قولداۋ كورسەتۋ، جۇمىسپەن قامتۋعا جاردەم بەرۋ، دەنساۋلىق ماسەلەلەرى جانە انالار مەن بالالارعا ارنالعان ارنايى كۋرستار. بۇگىندە جان-جاقتى، بىرلەسكەن جۇمىستاردىڭ ارقاسىندا ورتالىق ۇيىرمەلەىندە كۇندەلىكتى شارالار ۇيىمداستىرىلىپ تۇرادى.

پىكىرلەر