يندونەزيانىڭ شىعىسىنداعى ياۆا ارالىنداعى سەمەرۋ جانارتاۋىنىڭ اتقىلاۋىنان قازا تاپقان تۇرعىندار سانى 14 ادامعا جەتتى. تاعى جۇزگە جۋىق تۇرعىننىڭ دەنەسىن كۇيىك شالدى، دەپ حابارلايدى "ادىرنا" ۇلتتىق پورتالى.
جانارتاۋدىڭ اتقىلاۋى كەشە باستالعان ەدى. جوعالىپ كەتكەن ازاماتتاردى ىزدەستىرۋ جۇمىستارى ءالى دە جالعاسىپ جاتىر. سوڭعى مالىمەت بويىنشا تابيعات اپاتىنان 14 ادام كوز جۇمىپ، 100-گە جۋىعى جارالاندى.
جاقىن ماڭايداعى 11 ەلدى مەكەننەن مىڭنان اسا تۇرعىن قاۋىپسىز جەرگە كوشىرىلگەن.
- مەن ۋاقىتشا باسپانادا تۇرىپ جاتىرمىن. ادامدار مۇندا ۇيلەرى قيراعاندىقتان كەلدى. ولاردا تاماق، سۋ جوق. ءبىز مۇندا قانشا ۋاقىت تۇرۋعا بولاتىنىن بىلمەيمىز، – دەيدى ەرىكتى احماد.
ەسكە سالا كەتەيىك، يندونەزيا تىنىق مۇحيتىنىڭ «وتتى شەڭبەر» دەپ اتالاتىن سەيسميكالىق قاۋپى جوعارى ايماقتا ورنالاسقان. سوڭعى رەت ول بيىل قاڭتاردا اتقىلاعان. الايدا ول كەزدە ەشكىم جاپا شەككەن جوق.
"ادىرنا" ۇلتتىق پورتالى
