Indonezııanyń shyǵysyndaǵy Iava aralyndaǵy Semerý janartaýynyń atqylaýynan qaza tapqan turǵyndar sany 14 adamǵa jetti. Taǵy júzge jýyq turǵynnyń denesin kúıik shaldy, dep habarlaıdy "Adyrna" ulttyq portaly.
Janartaýdyń atqylaýy keshe bastalǵan edi. Joǵalyp ketken azamattardy izdestirý jumystary áli de jalǵasyp jatyr. Sońǵy málimet boıynsha tabıǵat apatynan 14 adam kóz jumyp, 100-ge jýyǵy jaralandy.
Jaqyn mańaıdaǵy 11 eldi mekennen myńnan asa turǵyn qaýipsiz jerge kóshirilgen.
- Men ýaqytsha baspanada turyp jatyrmyn. Adamdar munda úıleri qıraǵandyqtan keldi. Olarda tamaq, sý joq. Biz munda qansha ýaqyt turýǵa bolatynyn bilmeımiz, – deıdi erikti Ahmad.
Eske sala keteıik, Indonezııa Tynyq muhıtynyń «otty sheńber» dep atalatyn seısmıkalyq qaýpi joǵary aımaqta ornalasqan. Sońǵy ret ol bıyl qańtarda atqylaǵan. Alaıda ol kezde eshkim japa shekken joq.
"Adyrna" ulttyq portaly
