عالىمدار: كوروناۆيرۋس 2026 جىلعا دەيىن قاۋىپ توندىرمەك

3175
Adyrna.kz Telegram

Scientific Advisory Group for Emergencies (SAGE) قىزمەتكەرلەرى مەن بريتاندىق عالىمدار كوروناۆيرۋس پاندەمياسىنىڭ ۋاقىتىن انىقتادى. ولاردىڭ پىكىرىنشە، COVID-19 كەم دەگەندە 2026 جىلعا دەيىن قاۋىپتى بولادى. ولار ءوز تۇجىرىمدارىن ۇيىمنىڭ رەسمي سايتىندا جاريالاعان دەپ حابارلايدى "ادىرنا" ۇلتتىق پورتالى.

"SARS-CoV-2 دەنساۋلىق ساقتاۋ جۇيەسىنە قاۋىپ ءتوندىرۋدى جالعاستىرۋدا جانە كەم دەگەندە الداعى بەس جىل ىشىندە ۆاكتسيناتسيا مەن ىندەت تۋرالى دەرەكتەردى بەلسەندى باقىلاۋدى قاجەت ەتەدى", - دەلىنگەن حابارلامادا.

سونىمەن قاتار، ساراپشىلار ۆاكتسيناتسيا، ەپيدەميولوگيالىق باقىلاۋ جانە ينفەكتسيانىڭ تارالۋىن جاھاندىق تەجەۋ ​​شارالارى جەتكىلىكتى ءتيىمدى بولماسا، بۇل كەزەڭدەردىڭ ارتۋى مۇمكىن ەكەنىن اتاپ ءوتتى.

سونداي-اق مالىمدەمەدە 5-10 جىل ىشىندە ۆاكتسينانىڭ كومەگىمەن ۇجىمدىق يممۋنيتەتتى ساقتاۋ، سونداي-اق باسقا دا شارالاردى (تەكسەرۋ، جەلدەتۋ، ناۋقاستاردى وقشاۋلاۋ جانە ت.ب) اۋرۋدىڭ تارالۋىن باسەڭدەتەتىنى ايتىلعان.

عالىمدار بۇگىندە ۇلىبريتانيادا باسقا ەۋروپالىق ەلدەرمەن سالىستىرعاندا تۇرعىنداردى ۆاكتسيناتسيالاۋدىڭ ارقاسىندا COVID-19 اۋرۋى بويىنشا جاعداي تۇراقتانعانىن اتاپ ءوتتى.

 

"ادىرنا" ۇلتتىق پورتالى.

پىكىرلەر