قر ۇقك شىمكەنت قالاسى بويىنشا دەپارتامەنتى جانە شەكارا قىزمەتىنىڭ تۇركىستان وبلىسى بويىنشا دەپارتامەنتىمەن بىرلەسە وتىرىپ، تاۋەلسىزدىك كۇنىنە جانە ۇلتتىق قاۋىپسىزدىك ورگاندارىنىڭ 30 جىلدىعىنا وراي «وتاندىق ارناۋلى قىزمەتتىڭ حرونيكالارى» جانە «مەملەكەتتىك شەكارا» اتتى كىتاپتارى جارىققا شىقتى.
كىتاپتاردا ۇلتتىق قاۋىپسىزدىكتى قامتاماسىز ەتۋ جانە مەملەكەت شەبىن قورعاۋ ىسىنە لايىقتى ۇلەس قوسقان جەدەل قىزمەتكەرلەر مەن شەكاراشىلاردىڭ قىزمەتى باياندالادى.
باسىلىمدارعا قازىرگى ۋاقىتتا قۇپياسىزداندىرۋعا بولاتىن وقيعالار عانا ەنگىزىلدى. ونىڭ نەگىزىندە – ناقتى ادامدار، وقيعالار مەن دەرەكتەر، وعان تىكەلەي قاتىسۋشىلاردىڭ ەموتسياسىن جەتكىزەتىن قاتاڭ دەرەكتى ستيلدە مازمۇندالعان. كىتاپتار ساۋدا ورىندارىنا ەركىن ساتىلىمعا شىعادى.
قر ۇقك شىمكەنت قالاسى بويىنشا دەپارتامەنتى
