«مىڭ جۇيرىك» بايقاۋىنىڭ جەڭىمپازدارى انىقتالدى

639

ءۇشىنشى مەگاپوليستە مەملەكەتتىك ءتىلدى ەركىن مەڭگەرگەن ەتنوس وكىلدەرىنىڭ قاتارى كۇن ساناپ ارتىپ كەلەدى. بۇل سوزىمىزگە قالالىق ىشكى ساياسات جانە جاستار ىستەرى جونىندەگى باسقارماسىنا قاراستى «قوعامدىق كەلىسىم» مەكەمەسىنىڭ ۇيىمداستىرۋىمەن العاش رەت وتكەن رەسپۋبليكالىق «مىڭ جۇيرىك» اعارتۋشىلىق جوباسى ناقتى دالەل بولا الادى. كورمە ورتالىعىندا تاۋەلسىزدىكتىڭ 30 جىلدىعى اياسىندا 1 جەلتوقسان – قر تۇڭعىش پرەزيدەنتى كۇنىنە وراي ۇيىمداستىرىلعان ەتنوس بالالارى اراسىندا قازاق ءتىلىن ىلگەرىلەتۋگە ارنالعان بايقاۋدىڭ جەڭىمپازدارى ماراپاتتالدى.

سالتاناتتى جيىنعا قاتىسقان قالا اكىمىنىڭ ءبىرىنشى ورىنباسارى، قالالىق قحا توراعاسىنىڭ ورىنباسارى شىڭعىس مۇقان قازاق ەرتەگىلەرى مەن ادامزات وركەنيەتىندە جارقىن ءىز قالدىرعان تۇلعالاردى تانىپ-بىلۋگە، جاستايىنان كاسىپ تاڭداۋعا جانە ءوزى تۋىپ-وسكەن ولكەسىن قازاق تىلىندە تانىستىرۋعا ۇمتىلعان بالالاردى ماراپاتتادى. ش.جۇمابەكۇلى جينالعانداردى 1 جەلتوقسان – قر تۇڭعىش پرەزيدەنتى كۇنىمەن قۇتتىقتاپ، بايقاۋدىڭ ماڭىزىنا توقتالدى.

– مەملەكەتتىك ءتىل – حالىقتاردىڭ ءبىر-بىرىمەن ىنتىماقتاساتىن، ءسوز بايلاساتىن، تۇسىنىسەتىن، تابىساتىن، تاتۋلاساتىن قارىم-قاتىناس قۇرالى. مەملەكەتتىك ءتىلدى ءبىلۋ – بارشاعا مىندەت. ءتىلدىڭ ماڭىزىن ارتتىرىپ قانا قويماي، ونى وسكەلەڭ ۇرپاقتىڭ بويىنا دارىتۋعا ارقايسىمىز اتسالىسۋىمىز كەرەك. بۇل – ورتاق مىندەتىمىز. بالا جاستان ءتىلدى ۇيرەتۋدىڭ دە ماڭىزى جوعارى، - دەدى شىڭعىس جۇمابەكۇلى.

ال قازىلار القاسىنىڭ توراعاسى، وڭتۇستىك قازاقستان مەملەكەتتىك پەداگوگيكالىق ۋنيۆەرسيتەتى «رۋحاني جاڭعىرۋ جانە تاربيە» ءبولىمىنىڭ باسشىسى، تاريح عىلىمدارىنىڭ كانديداتى قايرات انارباەۆ بايقاۋ الەۋمەتتىك جەلىلەردە ونلاين-فورماتتا وتكىزىلگەنىن مالىمدەدى. قازاق ءتىلىن مەڭگەرۋگە ارنالعان اعارتۋشىلىق جوباعا رەسپۋبليكا اۋماعىندا تۇراتىن 300-گە جۋىق ەتنوس بالالارى قاتىسىپ، ەرەجەدە كورسەتىلگەن تالاپتارعا ساي 4 باعىت بويىنشا ءوز ونەرلەرىن بەينەروليك ارقىلى ۇسىنعان.

قازىلار القاسىنىڭ توراعاسى ق.ساپارحانۇلى قاتىسۋشى ۇمىتكەرلەردىڭ ونەرىن جان-جاقتى ساراپتاي كەلە، ولاردىڭ ىشىنەن ەرەجەگە سايكەس 10 بالانى تاڭداعانىن ايتادى. اتاپ ايتقاندا، ۇيعىر ەتنوسىنىڭ وكىلى مەحرياي ابدۋللاەۆا (الماتى قالاسى), ءازىربايجان ەتنوسىنىڭ وكىلى ازات راميسۇلى (تۇركىستان وبلىسى), ماڭعىستاۋلىق ورىس ەتنوسى وكىلى ەۆا دجوەۆا، ۋكراين ەتنوسىنان ەميل كوۆالەنكو (شىمكەنت), قىزىلوردالىق امەليا پاك (كورەي ەتنوسى), تارازدىق تۇرىك قىزى ەلزارا حاليلوۆا، شىمكەنتتىك بالاقاي تەمۋربەك حالمۇرات، اراب ەتنوسىنىڭ وكىلى احمەد شاۆكي (شىمكەنت), پاۆلودارلىق نەمىس ۇلتىنىڭ وكىلى ەۆگەني شليتتەر، شىمكەنتتىك تاتار ەتنوسىنىڭ جاس وكىلى نايل يۋسكاەۆ جانە ولاردىڭ جەتەكشىلەرى ماراپات تورىنەن كورىندى. ولارعا ارنايى ديپلومدار مەن سىي-سياپاتتار تابىستالدى.

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket