ەەو ەلدەرى: قازاقستان قارىزى وداق ىشىندە ارتقان

936

ەۋرازيالىق ەكونوميكالىق وداق ەلدەرىنىڭ جالپى مەملەكەتتىك قارىزى 2021 جىلعى 1 قازانداعى جاعداي بويىنشا 347,2 ملرد دوللارعا جەتتى، بۇل 2020 جىلدىڭ سايكەس كۇنىمەن سالىستىرعاندا 32%-دان استام كورسەتكىشكە جوعارى، دەپ حابارلايدى "ادىرنا". 

قازاقستاندا 2021 جىلدىڭ 1 قازانىنداعى جاعداي بويىنشا مەملەكەتتىك قارىز 21,8 ترلن تەڭگەدەن استى (ۇلتتىق بانكتىڭ قارىزىن قوسقاندا), بۇل ءبىر جىل بۇرىنعىدان 11%-عا ارتىق. دوللارمەن ەسەپتەگەندە بۇل كورسەتكىش 51,3 ملرد دوللاردى قۇرادى.سونىمەن بىرگە ەۋرازيالىق ەكونوميكالىق كوميسسيانىڭ ستاتيستيكاسى بويىنشا قازاقستاننىڭ ىشكى قارىزى 14,5 ترلن تەڭگەنى، ال سىرتقى قارىزى 7,4 ترلن تەڭگەنى قۇرادى.

رەسەيدە مەملەكەتتىك قارىز 18,9 تريلليون رۋبلگە (جىلىنا + 29,4%) نەمەسە 259,3 ميلليارد دوللارعا جەتتى. ىشكى – 15,9 تريلليون رۋبل، سىرتقى – 2,9 تريلليون رۋبل.

ەەك مالىمەتتەرى بويىنشا بەلارۋستە مەملەكەتتىك قارىز ءبىر جىلدا 0,3%-عا ءوسىپ، 57,1 ملرد رۋبلگە نەمەسە 22,7 ملرد دوللارعا دەيىن ءوستى، ونىڭ ىشىندە ىشكى قارىز 11,3 ملرد رۋبل جانە سىرتقى قارىز 45,8 ملرد رۋبل بولدى.

ال ارمەنيادا بۇل كورسەتكىش ەلدىڭ ورتالىق بانكىنىڭ قارىزىن ەسەپكە العاندا 2021 جىلعى 1 قازانداعى جاعداي بويىنشا 4,4 تريلليون درامدى (جىلىنا + 14,1%) نەمەسە 9 ميلليارد دوللاردى قۇرادى. 1,1 تريلليون درام ىشكى قارىز جانە 3, 2 تريلليون درام سىرتقى قارىز.

ءوز كەزەگىندە قىرعىزستاننىڭ مەملەكەتتىك قارىزى ءبىر جىلدا 7,4%-عا ءوسىپ، 412,6 ملرد سوم نەمەسە 4,9 ملرد دوللاردى قۇرادى.ىشكى – 60,6 ملرد سوم، سىرتقى – 352 ملرد سوم.

"ادىرنا" ۇلتتىق پورتالى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket