Eýrazııalyq ekonomıkalyq odaq elderiniń jalpy memlekettik qaryzy 2021 jylǵy 1 qazandaǵy jaǵdaı boıynsha 347,2 mlrd dollarǵa jetti, bul 2020 jyldyń sáıkes kúnimen salystyrǵanda 32%-dan astam kórsetkishke joǵary, dep habarlaıdy "Adyrna".
Qazaqstanda 2021 jyldyń 1 qazanyndaǵy jaǵdaı boıynsha memlekettik qaryz 21,8 trln teńgeden asty (Ulttyq banktiń qaryzyn qosqanda), bul bir jyl burynǵydan 11%-ǵa artyq. Dollarmen eseptegende bul kórsetkish 51,3 mlrd dollardy qurady.Sonymen birge Eýrazııalyq ekonomıkalyq komıssııanyń statıstıkasy boıynsha Qazaqstannyń ishki qaryzy 14,5 trln teńgeni, al syrtqy qaryzy 7,4 trln teńgeni qurady.
Reseıde memlekettik qaryz 18,9 trıllıon rýblge (jylyna + 29,4%) nemese 259,3 mıllıard dollarǵa jetti. Ishki – 15,9 trıllıon rýbl, syrtqy – 2,9 trıllıon rýbl.
EEK málimetteri boıynsha Belarýste memlekettik qaryz bir jylda 0,3%-ǵa ósip, 57,1 mlrd rýblge nemese 22,7 mlrd dollarǵa deıin ósti, onyń ishinde ishki qaryz 11,3 mlrd rýbl jáne syrtqy qaryz 45,8 mlrd rýbl boldy.
Al Armenııada bul kórsetkish eldiń Ortalyq bankiniń qaryzyn esepke alǵanda 2021 jylǵy 1 qazandaǵy jaǵdaı boıynsha 4,4 trıllıon dramdy (jylyna + 14,1%) nemese 9 mıllıard dollardy qurady. 1,1 trıllıon dram ishki qaryz jáne 3, 2 trıllıon dram syrtqy qaryz.
Óz kezeginde Qyrǵyzstannyń memlekettik qaryzy bir jylda 7,4%-ǵa ósip, 412,6 mlrd som nemese 4,9 mlrd dollardy qurady.Ishki – 60,6 mlrd som, syrtqy – 352 mlrd som.
"Adyrna" ulttyq portaly
