تاۋەلسىزدىگىمىزدىڭ 30 جىلدىعى اياسىندا، بۇقارالىق سپورتتىڭ دامۋىنا اۋقىمدى ۇلەسىن قوسىپ جۇرگەن شىمكەنت قالاسىنىڭ قۇرمەتتى ازاماتى، كاسىپكەر سەرىك ءتۇلباسوۆ ءال-فارابي اۋدانى اۋماعىندا التى سپورت الاڭشاسىن سالىپ، حالىق يگىلىگىنە ۇسىندى.
بۇگىن قابانباي باتىر كوشەسىندە ورنالاسقان 5 ءۇيدىڭ اۋلاسىندا التىنشى سپورت الاڭشاسىنىڭ اشىلۋ سالتاناتى ءوتتى.
قولدانىسقا بەرىلگەن سپورت الاڭشالارى بارلىق ستاندارت تالاپتارىنا ساي جابدىقتالعان. الاڭشالاردا ۆوركاۋت ايماعى، فيتنەس، ۆولەيبول، باسكەتبول جانە كىشى فۋتبول ويناۋعا مۇمكىندىكتەر جاسالعان.
مەملەكەت باسشىسىنىڭ بۇقارالىق جانە بالالار سپورتىمەن اينالىسۋدىڭ قولجەتىمدىلىگىن ارتتىرۋ ماقساتىندا، اۋدان كولەمىندە جىل سوڭىنا دەيىن بيۋدجەت ەسەبىنەن 25 سپورت الاڭشاسى حالىق يگىلىگىنە بەرىلەتىن بولادى.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
