"نورۆەگيالىق حەلسينكي كوميتەتى اقىن، ديسسيدەنت ارون اتابەكتىڭ دۇنيەدەن وتكەنى جونىندە حابارعا قاتتى قايعىرادى. 15 جىل تۇرمەدەن كەيىن جۋىردا ول جاعدايى ناشار كۇيدە قاماۋدان شىققان ەدى. قازاقستان بيلىگى ءتۇسىندىرۋى ءتيىس" دەپ جازدى كوميتەت.
Human Rights Watch ۇيىمىنىڭ ساراپشىسى ميرا ريتمان Twitter جەلىسىندە ارون اتابەكتىڭ ءولىمى جايلى حابارعا كوڭىلى قاتتى قۇلازىعانىن جازدى.
"ول 15 جىل ادام شوشىرلىق تۇرمە جاعدايىندا قاماۋدا وتىرىپ، جۋىردا بوساتىلعان. سۋرەتتە ونىڭ قۇر سۇلدەرى قالعانى كورىنەدى. ونىڭ وتباسىنا جانە ونىڭ دۇنيەدەن وتكەنىنە قايعىرعان بارلىق ادامعا كوڭىل ايتامىن" دەپ جازدى ساراپشى.
شتاب-پاتەرى نيۋ-يوركتە ورنالاسقان ۇيىمنىڭ ەۋروپا جانە ورتالىق ازيا جونىندەگى ديرەكتورى حيۋ ۋيليامسون دا ديسسيدەنتتىڭ جاقىندارىنا كوڭىل ايتتى.
قۇقىق قورعاۋشى مۋزافار سۋلەيمانوۆ "قىرعىز جانە قازاق بيلىگىنە ءاربىر ساياسي كەزدەسۋ جانە فورۋمدا ءازىمجان اسقاروۆ پەن ارون اتابەكتى ساياسي سەبەپپەن قاماپ، قايتىس بولۋىنا جاۋاپتى ەكەنىن ەسكەرتىپ وتىرۋ كەرەك. بيلىك قۋدالاماعاندا ەكەۋى دە ءتىرى بولۋشى ەدى" — دەپ جازدى.
اقش-تىڭ قازاقستانداعى بۇرىنعى ەلشىسى ۋيليام كورتني ارون اتابەكتىڭ سوتتالۋى مەن ولىمىنە بايلانىستى حالىقارالىق زەرتتەۋ جۇرگىزۋ ماسەلەسىن كوتەردى. "حالىقارالىق زەرتتەۋ جۇرگىزۋ قاجەت. تاعى قانشا ساياسي تۇتقىننىڭ ومىرىنە قاۋىپ ءتونىپ تۇر؟" دەپ جازدى ول.
"ادىرنا" ۇلتتىق پورتالى.
