شىمكەنت قالاسى ماڭىندا شەتەلدىك اۋەكومپانيالارعا تيەسىلى ەكى جولاۋشىلار ۇشاعى ءبىر-بىرىنە قاۋىپتى جاقىن قاشىقتىقتا ۇشىپ ءوتىپ، اپاتتىڭ از-اق الدىندا قالدى، دەپ حابارلايدى "ادىرنا" ۇلتتىق پورتالى.
وقيعا 10 قاڭتار كۇنى تاڭەرتەڭ بولعان.
ۇشاقتاردىڭ ەكەۋى دە قازاقستان اۋماعى ارقىلى ترانزيتتىك رەيسپەن ۇشقان. اتاپ ايتقاندا، رەسەيگە تيەسىلى «پوبەدا» اۋەكومپانياسىنىڭ Boeing 737 ۇشاعى ۆنۋكوۆو – سامارقان باعىتىمەن، ال وزبەكستانعا تيەسىلى Uzbekistan Airways كومپانياسىنا تيەسىلى Airbus A320 اۋە كەمەسى تەرمەز – ماسكەۋ باعىتىمەن قوزعالعان.
قاۋىپتى جاعداي كەزىندە ەكى ۇشاق تا شىمكەنت اۋەجايىنىڭ اۋە ديسپەتچەرلەرى باقىلاۋ جاسايتىن ايماقتا بولعان.
اۆياتسيالىق وقيعالار مەن ينتسيدەنتتەردى تەرگەۋ باسقارماسىنىڭ مالىمەتىنشە، بۇل جاعداي ازاماتتىق اۆياتسيا ەرەجەلەرىنە سايكەس اۋىر اۆياتسيالىق وقيعا رەتىندە باعالانادى جانە مىندەتتى تۇردە تەرگەلۋى ءتيىس.
قازىرگى تاڭدا قازاقستاننىڭ كولىك مينيسترلىگى اتالعان وقيعانى تەكسەرۋ ءۇشىن ارنايى كوميسسيا قۇرۋ جۇمىستارىن باستاپ كەتتى.
