"Norvegiialyq Helsinki komitetı aqyn, dissident Aron Atabektıŋ dünieden ötkenı jönınde habarǧa qatty qaiǧyrady. 15 jyl türmeden keiın juyrda ol jaǧdaiy naşar küide qamaudan şyqqan edı. Qazaqstan bilıgı tüsındıruı tiıs" dep jazdy komitet.
Human Rights Watch ūiymynyŋ sarapşysy Mira Ritman Twitter jelısınde Aron Atabektıŋ ölımı jaily habarǧa köŋılı qatty qūlazyǧanyn jazdy."Ol 15 jyl adam şoşyrlyq türme jaǧdaiynda qamauda otyryp, juyrda bosatylǧan. Surette onyŋ qūr sülderı qalǧany körınedı. Onyŋ otbasyna jäne onyŋ dünieden ötkenıne qaiǧyrǧan barlyq adamǧa köŋıl aitamyn" dep jazdy sarapşy.
Ştab-päterı Niu-Iorkte ornalasqan ūiymnyŋ Europa jäne Ortalyq Aziia jönındegı direktory Hiu Uiliamson da dissidenttıŋ jaqyndaryna köŋıl aitty.Qūqyq qorǧauşy Muzafar Suleimanov "Qyrǧyz jäne qazaq bilıgıne ärbır saiasi kezdesu jäne forumda Äzımjan Asqarov pen Aron Atabektı saiasi sebeppen qamap, qaitys boluyna jauapty ekenın eskertıp otyru kerek. Bilık qudalamaǧanda ekeuı de tırı boluşy edı" — dep jazdy. AQŞ-tyŋ Qazaqstandaǧy būrynǧy elşısı Uiliam Kortni Aron Atabektıŋ sottaluy men ölımıne bailanysty halyqaralyq zertteu jürgızu mäselesın köterdı. "Halyqaralyq zertteu jürgızu qajet. Taǧy qanşa saiasi tūtqynnyŋ ömırıne qauıp tönıp tūr?" dep jazdy ol.
"Adyrna" ūlttyq portaly.
