"Norvegııalyq Helsınkı komıteti aqyn, dıssıdent Aron Atabektiń dúnıeden ótkeni jóninde habarǵa qatty qaıǵyrady. 15 jyl túrmeden keıin jýyrda ol jaǵdaıy nashar kúıde qamaýdan shyqqan edi. Qazaqstan bıligi túsindirýi tıis" dep jazdy komıtet.
Human Rights Watch uıymynyń sarapshysy Mıra Rıtman Twitter jelisinde Aron Atabektiń ólimi jaıly habarǵa kóńili qatty qulazyǵanyn jazdy.
"Ol 15 jyl adam shoshyrlyq túrme jaǵdaıynda qamaýda otyryp, jýyrda bosatylǵan. Sýrette onyń qur súlderi qalǵany kórinedi. Onyń otbasyna jáne onyń dúnıeden ótkenine qaıǵyrǵan barlyq adamǵa kóńil aıtamyn" dep jazdy sarapshy.
Shtab-páteri Nıý-Iorkte ornalasqan uıymnyń Eýropa jáne Ortalyq Azııa jónindegi dırektory Hıý Ýılıamson da dıssıdenttiń jaqyndaryna kóńil aıtty.
Quqyq qorǵaýshy Mýzafar Sýleımanov "Qyrǵyz jáne qazaq bıligine árbir saıası kezdesý jáne forýmda Ázimjan Asqarov pen Aron Atabekti saıası sebeppen qamap, qaıtys bolýyna jaýapty ekenin eskertip otyrý kerek. Bılik qýdalamaǵanda ekeýi de tiri bolýshy edi" — dep jazdy.
AQSh-tyń Qazaqstandaǵy burynǵy elshisi Ýılıam Kortnı Aron Atabektiń sottalýy men ólimine baılanysty halyqaralyq zertteý júrgizý máselesin kóterdi. "Halyqaralyq zertteý júrgizý qajet. Taǵy qansha saıası tutqynnyń ómirine qaýip tónip tur?" dep jazdy ol.
"Adyrna" ulttyq portaly.
