شىمكەنتتەگى «ءال-فارابي» اتىنداعى عىلىمي-امبەباپ كىتاپحاناسىندا «رۋحاني جاڭعىرۋ» باعدارلاماسى يدەولوگيالىق پلاتفورما رەتىندە» تاقىرىبىندا سەمينار-ترەنينگ ءوتتى.
وڭىرلىك جوبا ءوفيستىڭ وكىلدەرىنە ارنالعان سەمينار «رۋحاني جاڭعىرۋ» قازاقستاندىق قوعامدىق دامۋ ينستيتۋتى» كەاق «رۋحاني جاڭعىرۋ» ورتالىعىنىڭ ۇيىمداستىرۋىمەن جامبىل وبلىسىنان كەيىن ءۇشىنشى مەگاپوليستە جالعاسۋدا. ينتەراكتيۆتى فورماتتا وتكەن ترەنينگتى «رۋحاني جاڭعىرۋ» ورتالىعىنىڭ باسشىسى جانار بوقانوۆا جۇرگىزدى.
– «ۇلتتىق سانا – ادامدى مەملەكەتىمەن، قوعامىمەن بىرىكتىرىپ وتىراتىن رۋحاني فەنومەن. سوندىقتان ۇلتتىق يدەولوگيانىڭ بولاشاعىن قوعام تالقىسىنا سالۋ – ەڭ دۇرىس شەشىمدەردىڭ ءبىرى. جاڭعىرۋدىڭ قادامدارىن حالىق سانالى تۇردە ءوزى تاڭداۋى ءتيىس. ۇلتتىق يدەولوگيا مەملەكەتكە دە، سول مەملەكەتتىڭ نەگىزىن قۇراۋشى قازاق حالقىنا دا اۋاداي قاجەت، - دەدى جانار قاليقانقىزى.
تىڭداۋشىلارعا جاڭعىرۋدىڭ باستى شارتتارى جانە «رۋحاني جاڭعىرۋ» باعدارلاماسىنىڭ يدەولوگيالىق پلاتفورماسى رەتىندە جان-جاقتى ءتۇسىندىرىلدى. اتالعان باعدارلامانىڭ نەگىزگى مىندەتتەرى مەن جوبالارى تالقىلانىپ، جۇزەگە اسقان جۇمىستاردىڭ ناتيجەسى ايتىلدى. سونىمەن قاتار، «رۋحاني جاڭعىرۋ» يدەولوگيالىق جۇمىس جۇيەسىنىڭ ماڭىزدىلىعى مەن وزەكتىلىگى، سونداي-اق جۇرگىزىلگەن زەرتتەۋ بويىنشا قازاقستاندىقتاردىڭ جاڭا زاماناۋي كەلبەتى تانىستىرىلدى.
سەمينارعا قاتىسۋشىلار توپتىق سايىستار ۇيىمداستىرىپ، تاقىرىپ اياسىندا پىكىر الماستى. سونداي-اق، قۇندىلىقتارعا باي ادامنىڭ پورترەتىن جاسادى.
