Shymkenttegi «Ál-Farabı» atyndaǵy ǵylymı-ámbebap kitaphanasynda «Rýhanı jańǵyrý» baǵdarlamasy ıdeologııalyq platforma retinde» taqyrybynda semınar-trenıng ótti.
Óńirlik joba ofıstiń ókilderine arnalǵan semınar «Rýhanı jańǵyrý» qazaqstandyq qoǵamdyq damý ınstıtýty» KeAQ «Rýhanı jańǵyrý» ortalyǵynyń uıymdastyrýymen Jambyl oblysynan keıin úshinshi megapolıste jalǵasýda. Interaktıvti formatta ótken trenıngti «Rýhanı jańǵyrý» ortalyǵynyń basshysy Janar Boqanova júrgizdi.
– «Ulttyq sana – adamdy memleketimen, qoǵamymen biriktirip otyratyn rýhanı fenomen. Sondyqtan ulttyq ıdeologııanyń bolashaǵyn qoǵam talqysyna salý – eń durys sheshimderdiń biri. Jańǵyrýdyń qadamdaryn halyq sanaly túrde ózi tańdaýy tıis. Ulttyq ıdeologııa memleketke de, sol memlekettiń negizin quraýshy qazaq halqyna da aýadaı qajet, - dedi Janar Qalıqanqyzy.
Tyńdaýshylarǵa jańǵyrýdyń basty sharttary jáne «Rýhanı jańǵyrý» baǵdarlamasynyń ıdeologııalyq platformasy retinde jan-jaqty túsindirildi. Atalǵan baǵdarlamanyń negizgi mindetteri men jobalary talqylanyp, júzege asqan jumystardyń nátıjesi aıtyldy. Sonymen qatar, «Rýhanı jańǵyrý» ıdeologııalyq jumys júıesiniń mańyzdylyǵy men ózektiligi, sondaı-aq júrgizilgen zertteý boıynsha qazaqstandyqtardyń jańa zamanaýı kelbeti tanystyryldy.
Semınarǵa qatysýshylar toptyq saıystar uıymdastyryp, taqyryp aıasynda pikir almasty. Sondaı-aq, qundylyqtarǵa baı adamnyń portretin jasady.
