بۇل جونىندە بۇگىن قالا اكىمىنە ءبىرىنشى جارتى جىلدىقتا اتقارىلعان جۇمىستار جايىن بايانداعان شىمكەنت قالاسى توتەنشە جاعدايلار دەپارتامەنتىنىڭ باسشىسى م.جاقسىباەۆ ءمالىم ەتتى.
«ازاماتتاردى ۋاقتىلى حاباردار ەتۋ، بەيبىت ۋاقىتتا حالىقتىڭ قاۋىپسىزدىك دەڭگەيىن قامتاماسىز ەتۋ شارتتارىنىڭ ءبىرى بولىپ تابىلادى.
قالا حالقىن قۇلاقتاندىرۋ جۇيەسىن بۇگىنگى كۇنى 141 قۇرىلعى قامتاماسىز ەتەدى، ونىڭ ىشىندە 56 س-40 ەلەكتروسيرەناسى جانە 85 زاماناۋي سيرەنالىق-سويلەۋ قۇرىلعىلارى. اكىمدىكتىڭ قولداۋىنىڭ ارقاسىندا سوڭعى 5 جىلدا قالانىڭ اۋماقتىق قۇلاقتاندىرۋ جۇيەسىن ۇيىمداستىرۋ ءۇشىن جالپى سوماسى 442,1 ملن تەڭگەگە جابدىق ساتىپ الىندى. وسىلايشا، سيرەنالارمەن جانە سيرەنالىق-سويلەۋ قۇرىلعىلارىمەن جابدىقتاۋدا شىمكەنت قالاسى رەسپۋبليكا بويىنشا ەكىنشى ورىندا تۇر، شامامەن قامتۋ 83 پايىزدى قۇرايدى»،-دەدى دەپارتامەنت باسشىسى.
سونىمەن قاتار، ول ەسكىرگەن جابدىقتارمەن جاراقتاندىرۋ 40 پايىزدى قۇرايتىنىن جەتكىزدى.
بارشانىڭ نازارىنا! بۇل توتەنشە جاعدايلاردىڭ پايدا بولۋ قاۋپى نەمەسە تۋىنداۋى كەزىندە حالىقتىڭ نازارىن اۋدارۋ ءۇشىن سيرەنالار نەمەسە باسقا دا دابىل قۇرالدارى ارقىلى بەرىلەتىن بىرىڭعاي حابارلاۋ سيگنالى
