Bul jóninde búgin qala ákimine birinshi jarty jyldyqta atqarylǵan jumystar jaıyn baıandaǵan Shymkent qalasy tótenshe jaǵdaılar departamentiniń basshysy M.Jaqsybaev málim etti.
«Azamattardy ýaqtyly habardar etý, beıbit ýaqytta halyqtyń qaýipsizdik deńgeıin qamtamasyz etý sharttarynyń biri bolyp tabylady.
Qala halqyn qulaqtandyrý júıesin búgingi kúni 141 qurylǵy qamtamasyz etedi, onyń ishinde 56 S-40 elektrosırenasy jáne 85 zamanaýı sırenalyq-sóıleý qurylǵylary. Ákimdiktiń qoldaýynyń arqasynda sońǵy 5 jylda qalanyń aýmaqtyq qulaqtandyrý júıesin uıymdastyrý úshin jalpy somasy 442,1 mln teńgege jabdyq satyp alyndy. Osylaısha, sırenalarmen jáne sırenalyq-sóıleý qurylǵylarymen jabdyqtaýda Shymkent qalasy respýblıka boıynsha ekinshi orynda tur, shamamen qamtý 83 paıyzdy quraıdy»,-dedi departament basshysy.
Sonymen qatar, ol eskirgen jabdyqtarmen jaraqtandyrý 40 paıyzdy quraıtynyn jetkizdi.
Barshanyń nazaryna! bul tótenshe jaǵdaılardyń paıda bolý qaýpi nemese týyndaýy kezinde halyqtyń nazaryn aýdarý úshin sırenalar nemese basqa da dabyl quraldary arqyly beriletin biryńǵaı habarlaý sıgnaly
