شىمكەنتتە جۇمىسسىز ازاماتتاردى جۇمىسپەن قامتۋ ماقساتىندا «نگسك كازسترويسەرۆيس» اق وڭتۇستىك قازاقستان فيليالى مەن قالالىق جۇمىسپەن قامتۋ جانە الەۋمەتتىك قورعاۋ باسقارماسىمەن ءوزارا بىرلەسكەن مەموراندۋمعا قول قويىلدى.
«قازقۇرىلىسسەرۆيس»-بۇل جاھاندىق قاتىسۋىمەن جوبالاۋ، ساتىپ الۋ جانە قۇرىلىس جونىندەگى تەحنولوگيالىق كومپانياسى. كومپانيانىڭ تاجىريبەسى مۇناي-گاز، ينفراقۇرىلىمدىق جانە ونەركاسىپتىك سەكتورلار ءۇشىن قۇرىلىس شەشىمدەرىن ۇسىنۋعا كەلگەندە الەمدەگى ەڭ ۇزدىكتەردىڭ ءبىرى بولىپ سانالادى.
جالپى، «كازسترويسەرۆيس» اق وڭتۇستىك قازاقستان فيليالىندا 800-دەن استام قىزمەتكەر جۇمىس ىستەيدى. قازىرگى ۋاقىتتا قۇرىلىس-مونتاج جۇمىستارىنا ءتيىستى ماماندار (بەتونشى، اعاش ۇستاسى، دانەكەرلەۋشى، تاس قالاۋشى جانە ت.ب.) قاجەت.
وسىعان وراي، جۇمىسپەن قامتۋ جانە الەۋمەتتىك قورعاۋ باسقارماسىنىڭ وكىلدەرى «كازسترويسەرۆيس» اق وڭتۇستىك قازاقستان فيليالى باسشىسىمەن كەزدەسىپ، «ەڭبەك» مەملەكەتتىك باعدارلاماسىنىڭ «جاستار پراكتيكاسى»، «الەۋمەتتىك جۇمىس ورىندارى» جانە «العاشقى جۇمىس ورنى» باعىتتارىمەن تانىستىردى.
مەملەكەتتىك باعدارلامانىڭ جۇمىسپەن قامتۋ باعىتتارىنا قىزىعۋشىلىق تانىتقان كومپانيا وكىلدەرى الداعى ۋاقىتتا 200-دەن اسا جۇمىسسىز ازاماتتاردى وڭىردە جۇرگىزىلەتىن قۇرىلىس جۇمىستارىنا جانە رەسەيدەگى فيليال تاراپىنان ىسكە اساتىن 18 جاستان 60-جاسقا دەيىن 1000-عا جۋىق جۇمىسسىزداردى ۆاحتالىق ادىسپەن تارتۋعا كەلىسسوز جۇرگىزدى.
