Shymkentte jumyssyz azamattardy jumyspen qamtý maqsatynda «NGSK KazStroıServıs» AQ Ońtústik Qazaqstan fılıaly men qalalyq jumyspen qamtý jáne áleýmettik qorǵaý basqarmasymen ózara birlesken memorandýmǵa qol qoıyldy.
«QazQurylysServıs»-bul jahandyq qatysýymen jobalaý, satyp alý jáne qurylys jónindegi tehnologııalyq kompanııasy. Kompanııanyń tájirıbesi munaı-gaz, ınfraqurylymdyq jáne ónerkásiptik sektorlar úshin qurylys sheshimderin usynýǵa kelgende álemdegi eń úzdikterdiń biri bolyp sanalady.
Jalpy, «KazStroıServıs» AQ Ońtústik Qazaqstan fılıalynda 800-den astam qyzmetker jumys isteıdi. Qazirgi ýaqytta qurylys-montaj jumystaryna tıisti mamandar (betonshy, aǵash ustasy, dánekerleýshi, tas qalaýshy jáne t.b.) qajet.
Osyǵan oraı, jumyspen qamtý jáne áleýmettik qorǵaý basqarmasynyń ókilderi «KazStroıServıs» AQ Ońtústik Qazaqstan fılıaly basshysymen kezdesip, «Eńbek» memlekettik baǵdarlamasynyń «Jastar praktıkasy», «Áleýmettik jumys oryndary» jáne «Alǵashqy jumys orny» baǵyttarymen tanystyrdy.
Memlekettik baǵdarlamanyń jumyspen qamtý baǵyttaryna qyzyǵýshylyq tanytqan kompanııa ókilderi aldaǵy ýaqytta 200-den asa jumyssyz azamattardy óńirde júrgiziletin qurylys jumystaryna jáne Reseıdegi fılıal tarapynan iske asatyn 18 jastan 60-jasqa deıin 1000-ǵa jýyq jumyssyzdardy vahtalyq ádispen tartýǵa kelissóz júrgizdi.
