ۇشىنشى مەگاپوليستە تاۋەلسىزدىكتىڭ 30 جىلدىعى قارساڭىندا شىمكەنت قالالىق مادەنيەت، تىلدەردى دامىتۋ جانە ارحيۆتەر باسقارماسىنىڭ ۇيىمداستىرۋىمەن ءتۇرلى ءىس-شارالار وتكىزىلۋدە. سولاردىڭ ءبىرى شىمكەنت قالالىق قۋىرشاق جانە جاسوسپىرىمدەر تەاترىنىڭ ارتىستەرى «ۆ گوستياح ۋ سكازكي» اتتى قويىلىمىن بالالارعا ۇسىندى.
تەاتر ارتىستەرى بىرنەشە بالاباقشا مەن مەكتەپتەرگە بارىپ، قىزىقتى، ءارى تاربيەلىك ماڭىزى بار قويىلىمدارىن جاس كورەرمەندەرىنە ارنادى.
اتاپ ايتار بولساق، «ا-اينالايىن» بالاباقشاسىندا جاس كورەرمەندەر تەاتر رەپەرتۋارىنىڭ ۇزدىك قويىلىمدارىنىڭ ءبىرى دوستىق پەن تاتۋلىققا قۇرىلعان م. اباي-ءدىلدانىڭ «تۋعان كۇن» ەرتەگىسىن تاماشالادى. ال قالالىق «ارناۋلى مەكتەپ-ينتەرناتىندا» وقۋشىلار قايىرىمدىلىق ءىس - شارا نەگىزىندە ءورت قاۋىپسىزدىگى مەن جول ەرەجەلەرىنە ارنالعان ءا. فايزۋللاۇلى «ءورت» ەرتەگىسى، سونىمەن قاتار، تەاتر ساحناسىندا ا. ماليۋچەنكو «حۆاستۋنيشكا» ەرتەگىسى كورسەتىلدى.
سونىمەن بىرگە «اقزيا» بالاباقشاسىندا قويىلعان س.التاەۆتىڭ «كوڭىلدى كوبەلەكتەر» اتتى قويىلىمىندا كوبەلەكتەردىڭ ءوز ءداستۇرلى ءومىرىن ساقتاپ، ءوز تىرشىلىگىن قورعاۋ ءۇشىن، سيقىرلى ءارى جاعىمسىز كەيىپكەر ەيبەن جىبەرگەن زۇلىمدىقتىڭ ءبارىن جەڭىپ شىعۋى قاتتى اسەر قالدىردى.
بالالار بۇگىنگى قىزىقتى ەرتەگىلەردى كورە وتىرىپ، وزدەرى دە ەرتەگى الەمىندە جۇرگەندەي سەزىنىپ، دەمالىپ قايتتى.
جالپى، تەاتر ۇجىمىنىڭ پايىمداۋىنشا تاربيەلىك ماڭىزى بار ۇزدىك قويىلىمدار جاس بۇلدىرشىندەر مەن وقۋشىلاردىڭ جاقسىلىق پەن جاماندىق، ادىلەت تۋرالى العاشقى كوزقاراستارىن قالىپتاستىرۋعا ىقپال ەتەدى.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
