بۇگىن بۇل تۋرالى اقپاراتتىق-كوممۋنيكاتسيالىق ورتالىعىندا وتكەن بريفينگتە شىمكەنت قالالىق «جاستار رەسۋرستىق ورتالىعى» كمم-ءنىڭ باسشىسى ەرلان ايتباەۆ حابارلادى.
– شىمكەنت قالاسى اكىمدىگىنىڭ قولداۋىمەن ەكىنشى مارتە «شىمكەنت جاستار ليگاسى» وتكىزىلەدى. بۇل جوبا جوعارى جانە ورتا ارناۋلى وقۋ ورىندارىنىڭ جاستارى مەن ءبىلىم بەرۋ مەكەمەلەرىنىڭ وقۋشىلارىن قامتيدى. جوعارى جانە ورتا ارناۋلى وقۋ ورىندارىنىڭ اراسىندا قازان ايىنان باستالىپ، جەلتوقسانعا دەيىن جالعاسادى. ال ءبىلىم بەرۋ مەكەمەلەرىنىڭ وقۋشىلارى اراسىندا قازان-مامىر ايلارى ارالىعىندا باس تورەشىنىڭ بەكىتكەن كەستەسىنە سايكەس، اينالىمدىق كەزدەسۋ ارقىلى وتەدى، – دەدى ەرلان سادىربايۇلى.
شىمكەنت قالالىق ءبىلىم باسقارماسىنىڭ باسشىسى جانات ارىسبەكقىزىنىڭ سوزىنشە، اتالعان جوباعا قازىرگى ۋاقىتتا فۋتبول (ۇلدار اراسىندا), باسكەتبول (ۇلدار اراسىندا), ۆولەيبول (قىزدار اراسىندا), شاحمات (ۇلدار، قىزدار اراسىندا) سپورت تۇرلەرىنەن 143 مەكتەپتەن ءوتىنىم كەلىپ تۇسكەن. ال جوعارى جانە ورتا ارناۋلى وقۋ ورىندارىنان 37 كوماندا (7 جوو جانە 30 واوو) قاتىسۋعا ءوتىنىش بەرگەن.
بريفينگ بارىسىندا شىمكەنت قالالىق دەنە شىنىقتىرۋ جانە سپورت باسقارماسى باسشىسىنىڭ ورىنباسارى ەرمەك امانجولۇلى ويىندارعا ءادىل باعا بەرۋ ماقساتىندا ارنايى ليتسەنزياسى بار بىلىكتى تورەشىلەر تورەلىك ەتەتىنىن ايتتى.
ايتا كەتەيىك، جوبانىڭ ۇيىمداستىرۋشىلارى:
- شىمكەنت قالاسىنىڭ ىشكى ساياسات جانە جاستار ىستەرى جونىندەگى باسقارماسى;
- شىمكەنت قالاسى ءبىلىم باسقارماسى;
- شىمكەنت قالاسى دەنە شىنىقتىرۋ جانە سپورت باسقارماسى.
قوسىمشا اقپارات: 8 /7252/ 39-13-59, 36-51-03
انىقتاما تەلەفونى: 8 707 750 90 60, 8 778 553 52 67
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
فوتو: عابيت جامالوۆ
