ەل تاۋەلسىزدىگىنىڭ 30 جىلدىعىنا وراي، اباي اۋدانى اكىمدىگىنىڭ ۇيىمداستىرۋىمەن اۋداننىڭ دامۋىنا ۇلەس قوسىپ، سان ءتۇرلى سالادا تۇراقتى قىزمەت ەتكەن ەڭبەك ارداگەرلەرى توبى كيەلى تۇركىستان قالاسىنا ساياحاتتاپ كەلدى.
توپتا اۋداندىق ارداگەرلەر كەڭەسى مۇشەلەرى، باستاۋىش ارداگەرلەر ءۇيىنىڭ باسشىلارى مەن تىل ارداگەرلەرىنەن قۇرالعان 45 ارداگەر بولدى. ولار كونە وتىرار جەرىندەگى، ارىستان باب كەسەنەسىندە بولىپ، ارنايى زيارات جاسادى.
سونىمەن قاتار، وبلىس ورتالىعى بولعالى كوركەيىپ، اسەم قۇرىلىستار جۇرگىزىپ جاتقان، تانىماستاي وزگەرگەن، اسەم شاھارعا اينالعان تۇركىستان قالاسىنداعى قوجا احمەت ياسساۋي كەسەنەسىنە دە زيارات ەتىپ، تانىمال ورتالىق «كەرۋەن-ساراي» كوپفۋنكتسيونالدى تۋريستىك كەشەنىن دە ارالادى.
ارداگەرلەر ساياحات بارىسىندا ۇمىتىلماستاي اسەر العاندىقتارىن ايتا كەلە، اۋدان اكىمدىگىنە ءوز ريزاشىلىقتارىن ءبىلدىرىپ، باتالارىن بەردى.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
