El táýelsizdiginiń 30 jyldyǵyna oraı, Abaı aýdany ákimdiginiń uıymdastyrýymen aýdannyń damýyna úles qosyp, san túrli salada turaqty qyzmet etken eńbek ardagerleri toby kıeli Túrkistan qalasyna saıahattap keldi.
Topta aýdandyq Ardagerler keńesi músheleri, bastaýysh ardagerler úıiniń basshylary men tyl ardagerlerinen quralǵan 45 ardager boldy. Olar kóne Otyrar jerindegi, Arystan bab kesenesinde bolyp, arnaıy zııarat jasady.
Sonymen qatar, oblys ortalyǵy bolǵaly kórkeıip, ásem qurylystar júrgizip jatqan, tanymastaı ózgergen, ásem shaharǵa aınalǵan Túrkistan qalasyndaǵy Qoja Ahmet Iassaýı kesenesine de zııarat etip, tanymal ortalyq «Kerýen-saraı» kópfýnkıonaldy týrıstik keshenin de aralady.
Ardagerler saıahat barysynda umytylmastaı áser alǵandyqtaryn aıta kele, aýdan ákimdigine óz rızashylyqtaryn bildirip, batalaryn berdi.
Shymkent qalasynyń Aqparattyq-kommýnıkaııalyq ortalyǵy
